Keshe Májilis Tóraǵasy Baqtyqoja Izmuhambetov Eýropalyq odaqtyń Qazaqstandaǵy ókildiginiń basshysy Traıan Hrısteany qabyldady, dep habarlady osy palatanyń baspasóz qyzmeti.
Meıman B.Izmuhambetovti Májilis Tóraǵasy qyzmetine saılanýymen quttyqtap, osy jaýapty jumysta tabys tiledi.
Palata Spıkeri atap ótkendeı, Eýropalyq odaqpen áriptestik baılanysty keńeıtý ári tereńdetý bizdiń elimizdiń syrtqy saıasatyndaǵy basym baǵyttardyń biri bolyp tabylady. Oǵan Elbasy Nursultan Nazarbaevtyń taıaýda ǵana Brıýsselge saparmen baryp qaıtqany dálel bola alady.
Kezdesý ıeleri Qazaqstan men Eýropalyq odaq arasynda qol qoıylǵan Keńeıtilgen yntymaqtastyq pen áriptestik týraly kelisimdi sóz etti. Atalǵan qujat Parlament Senatynda ratıfıkasııalanyp, ústimizdegi jylǵy 25 naýryzda Prezıdenttiń qoly qoıyldy. Taraptar bul kelisimniń Qazaqstan men EO halyqtarynyń áleýmettik-ekonomıkalyq, mádenı-gýmanıtarlyq salalardaǵy, sonymen qatar, ekijaqty jáne kóptarmaqty baılanystaryn nyǵaıtýǵa erek-
she serpin beretinine senimdi.
B.Izmuhambetov saýda-ekonomıkalyq baılanysty sóz ete kelip, Eýroodaq Qazaqstannyń iri saýda jáne ınvestısııalyq áriptesi ekenin aıtty. Máselen, 2015 jyly Eýroodaqpen syrtqy saýda 31 mlrd. AQSh dollaryn quraǵan. Sońǵy 10 jylda qos tarap arasyndaǵy taýar aınalymy 13 ese, al eýropalyq ınvestısııa kólemi 10 ese ósken.
Májilis Tóraǵasy sheteldik ınvestorlar úshin Qazaqstan usynyp otyrǵan qosymsha yntalandyrý sharalaryna toqtaldy. Sonymen qatar, Májilis Tóraǵasy Eýropalyq odaqpen vızalyq rejimdi ońaılatýdyń ózektiligin alǵa tartyp, ókildik basshysyn qoldaý kórsetýge shaqyrdy.
Palata Spıkeri elshini Májilistiń jańa quramymen tanystyra kelip, Qazaqstan Prezıdentiniń 5 ınstıtýttyq reformasyn zańnamalyq qamtamasyz etý jolynda atqarylyp jatqan jumystardan habardar etti.
Májilis eýropalyq áriptesterimen qaıtadan qurylǵan «Qazaqstan Respýblıkasy – Eýropalyq odaq» parlamenttik yntymaqtastyq komıteti aıasynda yqpaldastyqty odan ári tereńdetýge daıyn. Sondaı-aq, bıýro otyrysynda múddeli memlekettermen, sonyń ishinde Eýropa elderi parlamentterimen yntymaqtastyq jónindegi toptardyń jańa quramy bekitildi.
О́z kezeginde T.Hrıstea eki taraptyń yqpaldastyq kelisimderin júzege asyrýǵa belsene aralasatynyn aıtty.
B.Izmuhambetov áńgime barysynda 22 naýryzda Brıýsselde bolǵan lańkestik shabýylǵa baılanysty kóńil aıtý bildirip, bul qatermen kúreste Qazaqstan Eýropa elderin tolyqtaı qoldaıtynyn jetkizdi.