QARAǴANDY. 4 mamyr. Temirtaý qalasynda sybaılas jemqorlyq qylmysyna qatysy bar adamdy qyzmetke alǵany úshin memlekettik mekeme basshysyna iri kólemde aıyppul salyndy. Bul týraly Temirtaý qalalyq mamandandyrylǵan ákimshilik sotynyń baspasóz qyzmetine silteme jasaǵan egemen.kz tilshisi habarlady.
«Temirtaý qalalyq mamandandyrylǵan ákimshilik sotynyń qaýlysymen S. esimdi azamat Ákimshilik qylmystyq kodekstiń 681-babynda qarastyrylǵan qylmys boıynsha aıypty dep tanyldy. Oǵan 100 aılyq eseptik kórsetkish kóleminde aıyppul salyndy. Bul 212 100 teńgeni quraıdy», – delingen habarlamada.
Sotta málim bolǵandaı, kommýnaldyq memlekettik mekeme dırektory buryn sybaılas jemqorlyq qylmysyna qatysy bolǵan, atap aıtsaq, qyzmettik babyn asyra paıdalanǵany úshin sottalǵan er adamdy aǵa sheber qylyp jumysqa ornalastyrǵan.
Qaýly zańdy kúshine endi.
Qaırat Ábildınov.
Derek: Temirtaý qalalyq mamandandyrylǵan ákimshilik sotynyń baspasóz qyzmeti.
Foto: territoriaprava.ru.