Aǵa urpaq joly – jastarǵa úlgi

Keshe Memlekettik hatshy Gúlshara Ábdiqalyqova Qazaqstan Respýblıkasy Qarýly Kúshteriniń Ulttyq áskerı-patrıottyq ortalyǵynda bolyp, ondaǵy Áskerı-tarıhı murajaıdyń ekspozısııalarymen tanysty. Sondaı-aq, ol ortalyqta joǵary oqý oryndarynyń stýdentterimen, «Jas Ulan» respýblıkalyq mektebiniń jáne áskerı-patrıottyq klýbtardyń tárbıelenýshilerimen, Astana qalasy orta mektepteriniń oqýshylarymen kezdesý ótkizdi. Otan qorǵaýshy kúnin jáne Uly Otan soǵysyndaǵy Jeńistiń 71 jyldyǵyn merekeleý qarsańynda uıymdastyrylǵan bul sharaǵa memlekettik organdardyń basshylary, eńbek ardagerleri, Qarýly Kúshterdiń ofıserleri qatysty. Kezdesýde elimizdi odan ári damytý jáne órkendetýge ba­ǵyttalǵan «Máńgilik El» pat­rıottyq aktisin iske asyrý aıasyn­da óskeleń urpaqty áskerı-pat­rıot­tyq baǵytta tárbıeleýdiń ózek­ti máseleleri talqylandy. О́z kezeginde G.Ábdiqalyqova óskeleń urpaqty otansúıgishtikke tárbıeleýde ata-babalarymyzdyń erlik isterin úlgi etip kórsetýdiń mańyzdy ekenine toqtaldy. «Bizdiń búgingi kezdesýimiz elimizdegi qasterli merekeler – Otan qorǵaýshy kúni jáne Uly Otan soǵysyndaǵy Jeńistiń 71 jyldyǵyn atap ótý qarsańynda ótip otyr. Jas urpaqtyń Otandy qorǵaý degen qasıetti uǵymdy boıyna sińirýi memlekettiliktiń negizin qalyptastyrady. Qazaq­stannyń qýatty el bolýyna negiz qalaıdy. Sizder bilesizder, Uly Otan soǵysy kezinde 1 mıllıon 300 myńnan astam qazaqstandyq so­ǵysqa attandy. Onyń ishinde 500 myńnan astamy maıdan dalasynda qaza tapty. Qazirgi kezde qart maıdangerlerden 3662 adam qaldy», – dedi Memlekettik hatshy. Sonymen birge, Memlekettik hatshy zaman talabyna saı qurylǵan áskerimiz elimizdiń aıbyny ári abyroıy ekenine toqtaldy. «Qazirgi tańda eldiń qor­ǵanysynda joǵary bilikti, tehnologııalyq jáne mobıldi Qarýly Kúshter tur. Bul – Elbasy Nursultan Nazarbaevtyń salıqaly saıasaty men Qarýly Kúshterimizdi myqty etip qurý maqsatynyń nátıjesi. Búginde beıbit kúnde Qarýly Kúshter erlik pen qaısarlyqtyń úlgisi. Naǵyz batyrlar óz halqy men eline adal eńbek etip jatyr», – dedi G.Ábdiqalyqova. Onyń aıtýynsha, Aıdyn Aıymbetov, Azamat Jumadilov syndy ba­tyr­larymyzdyń qatary tolyǵa túsýi tıis. «Jaqynda ǵana Qaırat Úm­betov tarıhı erlik jasap, 19 jas­taǵy jas sarbazdyń ómirine arasha tústi. Ofıser memlekettik nagradaǵa usynyldy. Osy syndy naǵyz patrıottar bizdiń elde árqashan bolady. Biz olardan úlgi alyp, olardy maqtan tutýymyz kerek. Kez kelgen eldiń qorǵanys salasy áskerılerdiń rýhanı qaısarlyǵyna táýeldi», – dedi ol. Basqosý sátinde «Ardagerler uıymy» respýblıkalyq qoǵam­dyq birlestigi Ortalyq keńesiniń tóraǵasy О́mirzaq Ozǵanbaev Elbasy usynǵan «Máńgilik El» ıdeıasynyń ózek­tiligine, onyń jastar tár­bıe­sindegi róli­ne ekpin berdi. Sondaı-aq, ol eli­mizde qazaq­standyq pat­rıo­tızmdi nasıhattaýda, jas­tar­dy otansúıgishtikke tár­bıe­lep, erlikke baýlýda kóp­tegen sharalar qolǵa alynyp kele jatqanyn, munyń barlyǵy «Máńgilik El» ıdeıasymen únde­setinin jetkizdi. Al «Jas Ulan» mektebiniń tár­bıelenýshisi Suńǵat Juman qazirgi tańda jas óskinderdi elin, jerin súıýge shaqyratyn tár­bıelik máni zor kóptegen ju­mystar atqarylyp otyrǵanyn, sonyń nátıjesinde qazaqstandyq patrıotızmniń týy bıikke kó­terilip kele jatqanyn sóz etti. Onyń aıtýynsha, árbir azamat Otan aldyndaǵy boryshyn tereń túsinip, el birligi úshin qyzmet etýi tıis. «Men óz elimmen, onyń aıbyndy áskerimen maqtanamyn. Bul maǵan Otanyma degen súıis­penshiligimdi arttyra túsedi. Bizge ustazdarymyz «Máńgilik El» ıdeıasynyń mánin, mańy­zyn aıtýdan jalyqqan emes. Pre­zıdentimiz usynǵan «Máńgilik El» ıdeıasyn árbir qazaqstandyq azamat túsinýi kerek», – dedi «Jas Ulan» mektebiniń tár­bıe­lenýshisi. Onyń aıtýynsha, jastardy Qa­zaqstannyń naǵyz patrıot­tary etip tárbıeleý úshin osyndaı kezdesýlerdiń jıi-jıi uıym­dastyrylýy óte mańyzdy. Budan keıin kezdesýge qa­tysýshylar Qorǵanys mınıstr­liginiń ardagerlermen, jas­tar­men jáne Jańa qazaq­stan­dyq pat­rıotızmge tár­bıeleý jónindegi quzyrly mem­le­ket­tik organdarmen tıimdi ózara is-qımylyn qamtamasyz etý turǵysynda pikir almasty. Jıyn barysynda óskeleń urpaqtyń áskerı-patrıottyq tárbıesin damytýǵa, Qarýly Kúshterdiń ımıdjin odan ári nyǵaıta túsýge baǵyttalǵan 62 936 adamdy qamtıtyn 2 229 ás­kerı-patrıottyq klýbtar, úıir­meler men seksııalar jumys isteıtini atap ótildi. Kezdesý sońynda Memle­kettik hatshy jas urpaqtyń áskerı-patrıottyq tárbıesin je­tildirýdegi basymdyqtardy aıqyndap, jurtshylyqty Otan qorǵaýshy kúnimen jáne Uly Otan soǵysyndaǵy Jeńistiń 71 jyldyǵymen quttyqtady. Aıta keteıik, Qazaqstan Prezıdenti Nursultan Nazar­baev Qarýly Kúshterdiń Ulttyq áskerı-patrıottyq ortalyǵyn 2015 jylǵy 1 jeltoqsanda ash­qan bolatyn. Ortalyq qury­ly­myna Áskerı-tarıhı murajaı, Ortalyq áskerı orkestr jáne Ortalyq ansambl kiredi. Joldybaı BAZAR, «Egemen Qazaqstan»