Kúndiz-túni tynyshtyq kúzetindemiz

Maıor Aıdar Gaýharov – Máskeýde ótken halyqaralyq «Avıadarts-2015» áskerı oıynyna qatysqan qazaqstandyq úsh ushqyshtyń biri. Reseı, Qytaı, Qazaqstan jáne Belarýs memleketteriniń tańdaýly ushqyshtary qatysqan halyqaralyq baıqaýda Aıdar bastaǵan jigitter Reseıden keıingi ekinshi oryndy ıemdendi. – Aıdar Tólegenuly, ekinshi oryn aldy degen aıtýǵa ǵana ońaı. Reseıdiń áýe kúshteri álem­de eń úzdikterdiń qatarynda. Qytaı­dyń áskerı tehnıkaǵa mol qar­jy salyp jatqandyǵy belgili. Osyndaı jaǵdaıda bizdiń jigitterdiń eńbegin qalaı baǵala­sań da jarasady. Jarys qalaı ótti, bir epızodyn aıtyp bershi? Úshinshi sanattaǵy sha­­býyl­daýshy ushaqtyń koman­dırimen áńgimemiz osylaı bas­talǵan. – Rasynda, qatty tolqydyq. О́zi­mizdiń ushaǵymyzben ushyp barǵanbyz. Al áýeden atqylaıtyn qarý túrlerine Reseı jaǵy kó­mektesti. Bir sátin aıt dedińiz ǵoı, máselen, mynadaı tapsyrma be­riledi. Toǵaı ishinde jaýdyń 3-4 tanki, ashyq jerde ushaqtary bar. Tapsyrma boıynsha olardyń jasyrylǵan jerin dál taýyp, áýeden joıyp jiberýiń kerek. Joǵaryda júrseń atyp túsiredi. Sondyqtan, saǵatyna 500-600 shaqyrym jyldamdyqpen 200 metr­ge deıin tómendep ushyp, tank, ushaqtardyń jasyrylǵan jerin taýyp shabýyl jasadyq. – Atyp júrgenderiń mýlıaj tank, ushaq pa? Zeńbirekterińniń snarıadtary qandaı? – Shyn tank, shyn ushaqtar. Biraq, eski, qoldanystan alynǵan tehnıkalar. Biz osy tapsyrmany oryndaýda kózge tústik. – Kóńilderiń marqaıǵan shy­ǵar? – Árıne, qýanyshqa keneldik. Álemdegi myqty derjavalardyń aldynda myqty shyqqanymyzǵa. Qazaq­stan baıraǵyn kókte jelbi­retkenimiz marqaıtty. Allaǵa shúkirshilik qyldyq. Elbasymyz Nursultan Ábishuly Nazarbaevqa rahmet aıttyq. О́ıtkeni, memleket avıasııaǵa jetkilikti qarjy salmasa, qur ólermendik tabysqa jetkizbeıdi. Tehnıkalarymyz jańardy. 2005 jylǵa deıin kerosınmen ushyp kelsek, qazir ushaqtarymyz joǵary sapaly benzın tutynady. – Qala balalaryn qaıdam, aýyl balalarynyń deni «Kim bo­lasyń?» – deseń, oılanbas­tan «Ushqysh bolamyn!» dep taq eter edi. О́ziń kim bolýdy armandap ediń. Tuqymdaryńda áskerı ushqysh boldy ma? – Ákemniń ákesi Shabdan ata­myz Ekinshi dúnıejúzilik soǵysqa ushqysh bolyp qatysty. Tash­kenttegi áýe ýchılıshesin bitirgen dese-di. Habar-osharsyz ketipti. 8-synypqa deıin Shymkenttegi akademık О́.Joldasbekov atyn­daǵy mektepte oqydym. Odan keıin Astanadaǵy «Jas Ulan» áskerı mektebinde 11 jyldyqty támamdadym. 2013 jyly Aqtó­bedegi áýe qorǵanys kúshteri ás­kerı ınstıtýtyn bitirip ush­qysh-ınjener mamandyǵyn alyp shyqtym. Almaty, Balqash qa­lalarynda, keıin Shymkentte ju­mys jasap jatyrmyn. MıG-29 ushaǵymen ushamyn. Osynyń bári bala kezimdegi «ushqysh bolamyn» degen armanymdy oryndaǵanym bolar. Onyń aldynda Iаk-80, L-29 ushaqtaryn basqardym. Biz – áskerı adambyz. Memle­ketimiz, halqymyz Otanyn qor­ǵaıtyn ulym bar dep bizge se­nip otyr. Sol senim bizge qa­nat bitiredi. Kúndiz-túni áýe ke­zek­shiliginde bolyp, el ty­nysh­tyǵyn qorǵaımyz. Maıor Gaýharov osylaı degen. 3-shi sanattaǵy ushqysh, áýede 380 saǵat ushý tájirıbesi bar, halyqaralyq «Mırnoe nebo», «Vzaımodeıstvıe», «Boevoe sodrýjestvo» jáne «Stepnoı orel» sııaqty áskerı-jattyǵý jıyndaryna qatysqan A.Gaýharov «Otan qorǵaý – er jigittiń isi» degendi aıtady. Áńgimelesken Baqtııar TAIJAN, «Egemen Qazaqstan» Ońtústik Qazaqstan oblysy