ATYRAÝ. 5 mamyr. Atyraý oblysynyń qylmystyq ister jónindegi mamandandyrylǵan aýdanaralyq soty burynǵy polısııa leıtenanty Manarbek Ýteýovti 22 jylǵa bas bostandyǵynan aıyrýǵa úkim shyǵardy. Bul týraly oblystyq sottyń baspasóz qyzmetine silteme jasaǵan egemen.kz tilshisi habarlady.
«Sot úkimimen M.K.Ýteýovqa qylmystyq kodekstiń 99-babynyń 2-bóliginiń 5,8 tarmaqtarymen, 385-babynyń 2-bóligimen, 28-babynyń 3-bóligi, 191-babynyń 2-bóliginiń 1,2,3 tarmaqtarymen, 191-babynyń 2-bóliginiń 2 tarmaǵymen, 361-babynyń 4-bóligimen, 188-babynyń 3-bóligimen, 380-babynyń 1-bóligimen kináli dep tanylyp, oǵan 22 (jıyrma eki) jyl merzimge bas bostandyǵynan aıyrý jazasy taǵaıyndaldy. Jaza óteý orny qatań rejımdegi túzetý kolonııasy bolyp belgilendi», – dedi Atyraý oblystyq sotynyń baspasóz hatshysy Boranbaı Ǵalıev.
Sonymen qatar, osy úkimmen taǵy bir kúdikti Asan Kýrbanbaev qylmystyq kodekstiń 188-babynyń 3-bóligimen kináli dep tanylyp, 4 jyl merzimge túzetý kolonııasynyń jalpy rejıminde bas bostandyǵynan aıyrý jazasyna sottalǵan.
Joldasbek Shópeǵul.
Derek: Atyraý oblystyq sotynyń baspasóz qyzmeti
Foto: azattyq.org.