ASTANA. 5 mamyr. Qazaqstan Prezıdenti Nursultan Nazarbaev jer máselesine qatysty komıssııa qurýdy tapsyrdy. Bul týraly Aqordanyń baspasóz qyzmetine silteme jasaǵan egemen.kz tilshisi habarlady.
«Halyqqa unamaıtyn zańnyń keregi joq, biraq túsindirý kerek, ony alyp tastaǵannan keıin aýyl sharýashylyǵyna qandaı múshkildik bolatynyn. Ony dıhandar ǵana biledi dalada otyrǵan, egin egip, mal jaıyp otyrǵandar. Asfaltta júrip aıǵaılaǵandar emes. Aldymen úkimet janynan birinshi vıse-premer Baqytjan Saǵyntaev jetekshilik etetin komıssııa qurýdy tapsyramyn. Ol komıssııa memlekettik organdar, qoǵamdyq organdarmenen myna sharýany talqylap, naqty túsindirip, Jer kodeksindegi daýly máselelerdi aıqyndap, Parlamentke usynystardy berip, Parlamentpen birge qaıtadan qaraıtyn bolamyz. Túsinbeı júrgen adamdardy shaqyrý kerek. Bul jumysty Nur Otan partııasymen birge, onyń janyndaǵy demokratııalyq kúshterdiń birikken koalısııasy bar, aýqymdy túsindirý jumysyn júrgizý kerek. Oǵan barlyq partııa, qoǵamdyq uıym, BAQ tartylýy kerek. Ony jasyryp qymtyratyn eshteńesi joq. Barlyq el istep otyrǵan ekonomıka ǵoı bul» – dedi Nursultan Nazarbaev Aqordadaǵy jıynda.
Aıta keteıik, osyǵan deıin Prezıdent Jer kodeksindegi túzetýlerge moratorıı jarııalaǵan bolatyn.
Talǵat Raıymbek.
Derek, foto: Aqordanyń baspasóz qyzmeti.