QARAǴANDY. 5 mamyr. Mádenıet jáne sport mınıstrliginiń «Ulytaý» tarıhı-mádenı jáne tabıǵı qorym-murajaıy «Uly taǵzym» qoǵamdyq qorymen birlesip jáne Ulytaý aýdany ákimdiginiń qatysýymen «Terisaqqan kóktemi» atty etnofestıval ótkizdi. Bul týraly inform.kz-ke silteme jasaǵan egemen.kz tilshisi habarlady. «Terisaqqan kóktemi» etnofestıvali – biregeı qubylys, sebebi qazaq jylqy ósirýshileriniń merekelik rásimderi Terisaqqan aýylynda ǵana saqtalǵan. Nıet bildirgenderdiń barlyǵy qoldanbaly óner boıynsha sheberlik sabaqtaryna bara aldy», – dep habarlady Mádenıet jáne sport mınıstrliginiń baspasóz qyzmeti. Kórme qonaqtaryna qazaqtyń ulttyq taǵamdary, turmystyq zattary kórsetildi. At ábzelderi jáne kóshpendilerdiń san-túrli ydys-aıaqtary sheteldik qonaqtardyń qatty qyzyǵýshylyǵyn týdyrdy. Festıvalge Polsha, Reseı, Ýkraına, О́zbekstan, Qyrǵyzstannan qonaqtar, National geographic uıymynyń, Qazaqstan ulttyq geografııa qoǵamynyń ókilderi, ǵalymdar kelip qatysty. Qaırat Ábildınov. Derek, foto: inform.kz.