Zırattar

búlinýi kásipker jasaǵan jasandy kóldiń yza sýynan emes pe? Jambyl oblysy, T.Rysqulov aýdany, Kamenka aýylynyń bir top turǵyny osy eldi mekenge jaqyn jerden óz kásibin ashqan kásipkerdi aıyptap otyr. «О́li rıza bolmaı, tiri baıy­­maıdy» dep arýaqty qa­dir­legen halyqpyz ǵoı. Aýyl tur­ǵyndarynyń aıtýyna qara­ǵanda, kásipker demalys ornyn ashýdy qolǵa alǵan eken. Sodan kelýshilerdi kóptep tartý úshin tek tamaqtaný ornyn ǵana emes, balyq aýlap, boı sergitip, qyzyqqa batsyn degen nıetpen qoldan kól jasapty. Mine, sol jasandy kólden asyp tógilgen sý jaqyn mańdaǵy molalardy búldirgen kórinedi. – Bul kásipker demalys ornyn ashyp, eki aıdan beri tereń saıǵa sý toltyryp, balyq ji­beripti. Alaıda, bir jetiden beri tolassyz jaýǵan jaýynnan shaǵyn kóldiń deńgeıi kóterilip, jotadaǵy zıratqa qaýip tón­dirgen. Tipti, qabirlerge sý qu­ıy­lyp opyrylyp jatyr, – dep shyryldaıdy osy aýyldyń turǵyny Marat Tánekeev. Onyń aıtýyna qaraǵanda jaqyndary jerlengen qabirler shetinen qıraǵan. Bir aı buryn ákesi jerlengen qabirdiń tóbesi oıy­lyp astyna túsipti. Budan da basqa birneshe azamattar jaqyn­dary­nyń qabirine sý quıylýyn jasandy kólden kórip otyr. Al kásipker azamat bu­ǵan ózin kináli sanamaıdy. «Qabir­lerdiń buzylýyna sońǵy kezderi tolassyz jaýyp jatqan jańbyr sebep bolǵan. Men qoldan ja­saǵan kóldiń deńgeıi qansha kó­terilgenimen, sý qabirlerge jet­ken joq. Degenmen de mola­nyń mańyn tolyq qorshap, bó­gep berýge ýáde beremin», deı­di ol. Mine, osylaısha aýyl tur­ǵyndary men kásipkerdiń ara­syndaǵy daý ázirge bitetin emes. Múmkin bul daýdyń anyq-qanyǵyn arnaıy mamandar anyqtap, bir núkte qoıar. Shynynda, sońǵy kezderi óńirde jaýyn kún saıyn jaýyp, saı-saıdyń bári sýǵa tolǵany ras. Biraq, osy Kamenka aýylynyń ǵana bolmasa, basqa jaqta molalardyń búlinip jatqany týraly eshteńe estimedik. Soǵan qaraǵanda jaqyn mańdaǵy kóldiń molanyń búlinýine áseri bolýy da múmkin. Oralhan DÁÝIT, «Egemen Qazaqstan» Jambyl oblysy