Keńes barysynda Premer-mınıstr kóshi-qon máseleleri naqty ári túsinikti retteýdi talap etetinin atap ótti.
«Qazaqstan sheteldik jumys kúshi úshin tartymdy el bola tústi. Sonymen qatar Memleket basshysy Qazaqstandy talantty adamdardy tartatyn, ıaǵnı bilimdi ári aýqatty adamdar jumys isteýge, bıznes jasaý úshin keletin orynǵa aınaldyrý mindetin qoıyp otyr. Bul kóshi-qon saıasaty máselelerine jańa kózqaraspen qaraýdy talap etedi. Biz bul salada tártip ornatyp, barlyq múddeli taraptarǵa túsinikti naqty «oıyn erejelerin» ornatýymyz kerek», dep atap ótti Premer-mınıstr.
Eńbek mınıstrligine Ekonomıka, Ishki ister, Syrtqy ister mınıstrlikteri, Strategııalyq josparlaý jáne reformalar agenttigi jáne basqa da múddeli memlekettik organdarmen birlesip, Qazaqstanǵa suranysqa ıe mamandardy tartý jónindegi sharalar keshenin ázirleý tapsyryldy. Mádenıet jáne aqparat mınıstrligine Syrtqy ister mınıstrligi jáne basqa da memlekettik organdarmen birlesip, osy baǵytta belsendi úgit-nasıhat naýqanyn júrgizý mindetteldi.
Kóshi-qon salasynda tártip ornatý maqsatynda birqatar shara qabyldanyp jatyr. Atap aıtqanda, qyzmet kórsetý úshin de, quqyqbuzýshylyqtardy anyqtaý úshin de qoldanylatyn JI tehnologııalary arqyly zamanaýı sıfrlyq sheshimder engizilýde. Turaqty turýǵa ruqsat alýǵa qoıylatyn talaptar kúsheıtildi. Zańǵa baǵyný minez-qulyq qaǵıdaty engizildi, oǵan sáıkes ákimshilik quqyq buzýshylyqtardyń, onyń ishinde jol qozǵalysy erejelerin birneshe ret buzý jáne qylmystyq teris áreketterdiń bolýy turaqty turýǵa ruqsat alýda bas tartýǵa negiz bolady. Sonymen birge ótinish berýshilerdiń qarjylyq turaqtylyǵyna jáne olardyń qoǵamǵa ıntegrasııalanýyna qoıylatyn talaptar kúsheıtildi. Ishki ister mınıstrliginiń derekteri boıynsha, bıyl elimizde sheteldikterdi zańdastyrylǵan 5 zańsyz kóshi-qon arnasy joıyldy.
Sonymen qatar jeńildetilgen tártippen azamattyqqa ótinish berý kezinde qos azamattyq alýǵa baılanysty táýekelder máselesin sheshý úshin Ishki ister mınıstrligi múddeli organdarmen birlesip, retteýdiń qosymsha tetikterin, onyń ishinde skorıng, testileý jáne óńirlik bólý elementterin synaqtan ótkizip jatyr. Jumyspen qamtýdyń sıfrlyq platformalary qyzmetin retteý qajettigine erekshe nazar aýdaryldy.
Premer-mınıstr ákimdikter «Atameken» Ulttyq kásipkerler palatasymen birlesip, jumys berýshiler arasynda sheteldik jumys kúshin tartýǵa ótinishterdi ýaqtyly berý máseleleri boıynsha turaqty túsindirý jumystaryn júrgizýi qajet ekenin atap ótti. Eńbek mınıstrligine múddeli memlekettik organdarmen birlesip, platformalyq jumyspen qamtý salasyndaǵy agregatorlardy sheteldik jumys kúshin tartý qaǵıdalaryn saqtaýǵa mindetteıtin sharalar qabyldaý tapsyryldy.
Premer-mınıstr eńbek kóshi-qonyn retteýdegi ekonomıkalyq kedergilerdi joıý qajettigin aıta kele, alymdar men aıyppuldar arasyndaǵy teńgerimsizdikke baılanysty jumys berýshilerge jumysshylardy zańdy túrde rásimdegennen góri aıyppul tóleý tıimdirek ekenin atap ótti.
Sonymen qatar jumyspen qamtýdyń jeke agenttikteri qyzmetin retteý, onyń ishinde Biryńǵaı memlekettik tizilim qurý jáne naryqqa qoljetimdilik ólshemsharttaryn engizý jónindegi sharalar qosymsha pysyqtalyp jatyr. Sondaı-aq shetelge shyǵatyn Qazaqstan azamattaryn baqylaý júıesi engizilýde, bul aldyn alý sharalarynyń tıimdiligin arttyrýǵa múmkindik beredi.
Kóshi-qon zańnamasyn buzǵan 132 sheteldik el aýmaǵynan shyǵaryldy
Páterlerde naqty turmasa da adamdardy jappaı tirkeý máseleleri kóterildi. Astana qalasynda tirkeý normasy boıynsha shekteý engizilgen – otbasy múshelerin qospaǵanda, bir adamǵa keminde 15 sharshy metrden kelýi tıis. Ishki ister mınıstrligine mundaı tásilderdi óńirlerde de engizý usynyldy. Ýákiletti organdarǵa úshinshi tulǵalardy jalǵan tirkeýden bas tartý quqyǵyn berý usynylady. Jyl saıyn 8 myńǵa jýyq jyljymaıtyn múlik ıesi azamattardy jalǵan tirkegeni úshin ustalady.
Mekenjaılardy tirkeý kodtarynyń (MTK) durys berilmeý máselesi atap ótildi, ıaǵnı is júzinde tutas turǵyn kvartaldaryna bir ǵana kod berilýi saldarynan halyqty esepke alý derekteri burmalanyp, buzýshylyqtardy anyqtaý qıynǵa soǵyp jatyr.
Sondaı-aq baraq úlgisindegi jalǵa beriletin turǵyn úılerdiń baqylaýsyz jumys isteýi máselesi kóterildi. Mundaı nysandar resmı túrde tirkelgenimen, is júzinde jataqhana retinde paıdalanylyp, bul quqyqtyq tártip turǵysynan da, ınfraqurylymǵa da júkteme túsiredi.
Ishki ister mınıstrligine Ádilet jáne Jasandy ıntellekt mınıstrlikterimen birlesip, «kóleńkeli» qyzmet kórsetetin turǵyn úı ıeleriniń quqyqtaryn shekteý úshin sıfrlyq tosqaýyldar belgileý boıynsha usynystar qarastyrý tapsyryldy. О́ńirler ákimderi jalǵa berý úshin turǵyn úıdiń barak úlgisindegi obektilerdi retke keltirý jáne jyljymaıtyn múlik obektileriniń tirkeý kodtaryna revızııa júrgizý tapsyryldy.
