Zaharova cózinde turyp, sammıtte «Kalınkaǵa» bıledi (vıdeo)

ASTANA. 19 mamyr. Búgin Reseıdiń Sochı qalasynda ótip jatqan Reseı-ASEAN sammıtiniń qabyldaýy kezinde eldiń syrtqy ister mınıstrliginiń resmı ókili Marııa Zaharova «Kalınkaǵa» bıledi. Bul týraly RIA «Novostı» aqparyna súıengen egemen.kz tilshisi habarlady. Zaharova osylaısha osynyń aldynda baspasóz máslıhatynda bergen ýádesin oryndady. Ol jýrnalısterge qabyldaý jaıynda aıtyp turyp: «Kesh baǵdarlamasyna orystyń halyq bıleriniń kiretinine ýáde beremin. Meniń ózimnen – «Kalınka» shyǵady», - degen edi. Konferense sahnada «Kalınkany» habarlaǵan kezde, onyń «Reseı turǵyndary men «Chelsı» fanattarynyń ǵana emes, sonymen qatar kóptegen sheteldikterdiń de súıikti áni» ekenin jetkizdi. Osydan keıin ánniń ózi estile bastady. Sol kezde Marııa Zaharova sahnaǵa shyǵyp, onyń áýeni aıasynda bıleı jóneldi. Keıinirek Life telearnasyna bergen suhbatynda Zaharova munyń shyn máninde ekspromt bolǵanyn, óziniń bıge arnaıy daıyndalmaǵanyn aıtty. «Bizdiń bárimiz orynda otyryp, jumys jasap, biraz sharshaǵan bolsaq ta, solaı etýge týra keldi. Men ózimizdiń osy qabyldaýǵa iline qalsaq, mindetti túrde bılep beretinimdi aıtqan edim. Sol ýádeni oryndaý kerek boldy. Biraq men buǵan ókinbeımin», - dedi ol. Alaıda, Marııa Zaharova óziniń bıik óksheli týflımen qalaı bıleı alǵanyn aıta qoıǵan joq. «Bul – áıeldik qupııa. Osydan sheberlik synybyn bere alamyn», - dep qoıdy resmı ókil. Talǵat Raıymbek. Derek, foto, vıdeo: RIA Novostı. https://youtu.be/-mS1NdTdS1o