Qazaqstandyqtar qaı kitaptardy oqıdy, qaı ánshini tyńdaıdy?

Sýret:kapital.kz «Ksell» kompanııasy activ music, activ TV jáne activ usynatyn Bookmate (OTT-servıster) atty jańa servıster jumysynyń alǵashqy nátıjesin shyǵardy. BAQ ókilderimen ótken kezdesý barysynda «Ksell» AQ bas atqarýshy dırektory Artı Ots atap ótkendeı, OTT-servıster iske qosylǵannan bergi úsh aıda qosymshalarǵa jazylǵandardyń qatary 50 myń adamǵa jetken. Jańa servıster arasynda activ usynatyn Bookmate eń ta­nymal qosymsha bolyp otyr: aqpan aıynan beri 25 myń adam bul qyzmettiń jazylýshysy atanǵan. 18 myń adam activ music-ke jazylsa, 6 000 qoldanýshy activ TV servısiniń kórermeni bolý týraly sheshim qabyldaǵan. Qarap otyrsaq, uıaly operator abonentterine túrli qyzmetti usynyp qoımaı, qandaı kitaptar men ánshiler suranysqa ıe ekenin de anyqtap, bilip otyrady. Máselen, qazaqstandyq ánshiler arasyndaǵy activ music servısiniń eń kóp tyńdalǵan tregi Qaırat Nurtastyń «Baıqa» áni boldy. Al Aleksandr Voro­bev­tiń «Sýmasshedshaıa» atty áni reseılik oryndaýshylar arasynda eń jıi tyńdalǵan án retinde tanyldy. Sheteldik ánder ishinde Drake usynatyn «Hotline Bling» tregi eń kóp tyńdalǵan eken. Servıstiń eń tanymal pleılısteriniń reıtıngin «activ TOP 30» bastady. Al telearnalardy kórýge múmkindik beretin activ TV servısiniń eń kóp qaralǵan TOP-3 tiziminde 31 arna, 7 arna jáne KTK kósh bastaıdy. «Sport» qosymsha toptamasy da Kcell jáne activ abonentteri arasynda tanymal bolyp otyr. Alǵashqy úsh aıdyń qory­tyndysy boıynsha activ usy­natyn Bookmate servı­sinde qazaqstandyq qoldanýshy­lar­dyń suranysyna ıe bol­ǵan kitaptardyń TOP-10 ti­zimi anyqtaldy. Reıtıngtegi alǵash­qy orynda aǵylshyn jazýshysy Djodjo Moıestiń «Senen keıin» atty kitaby tur. Ekinshi orynǵa Steıs Kramerdiń «О́zime qol jum­saǵanǵa deıin 50 kún» at­ty shyǵarmasy jaıǵassa, ame­rıkalyq psıholog Robert Chaldınıdiń «Yqpal etý psıhologııasy» úshinshi orynnan kórindi. Sol sııaqty. «Túngi barlaý» (avtory Sergeı Lýkıanenko) jáne «Kremldiń búkil áskeri» (avtory Mıhaıl Zygar) ki­tap­tary eń jyldam oqylǵan shy­ǵa­rmalar atandy. Lev Tol­s­­toıdyń «Soǵys jáne beıbit­shilik» romany atalǵan ýaqyt ishinde úzindileri dáıeksóz retin­de eń kóp keltirilgen kitap bolyp tanyldy. Qysqasy, qazaqstandyqtar uıaly telefon arqyly Djodjo Moıesti oqyp, Qaırat Nurtasty tyńdap, otandyq telearnalardy qaraǵandy unatady. Aınash ESALI, «Egemen Qazaqstan» ALMATY