Saıası qýǵyn-súrgin jáne asharshylyq qurbandaryn eske aldy
Qala ákimi Baýyrjan Baıbek qýǵyn-súrgin qurbandaryna arnalǵan eskertkishke gúl shoqtaryn qoıdy. Úlken sharaǵa qatysqandardyń arasynda qoǵam qaıratkerleri, qalalyq máslıhattyń depýtattary, qoǵamdyq uıymdardyń belsendileri, sonymen qatar, qýǵyn-súrgin jyldary qaza tapqandardyń aǵaıyn-týǵandary boldy.
«Qýǵyn-súrgin jáne asharshylyq jyldary elimizde qanshama qaıratker men zııaly jan jazyqsyz jalanyń qurbanyna aınaldy. Ǵalym-zertteýshilerimizdiń málimetterine súıener bolsaq, tek 1921 men 1954 jyldar aralyǵynda ǵana elimizde 25 myńnan astam adam sebep-saldarsyz atylyp ketken. Qýǵyn-súrgin qurbandarynyń urpaqtary uzaq jyldar «halyq jaýynyń» balasy degen aýyr ataqty arqalap júrdi. Zulmat jyldary Qazaqstan óz halqynyń 48 paıyzyn joǵaltty. Sonymen qatar, bul oqıǵalar elimizdiń demografııalyq ósýine, jańǵyrýyna orny tolmas zor nuqsan keltirdi», – dedi B.Baıbek.
Qala basshysy kezinde «qyzyl náýbettiń» qurbandaryna arnalyp qoıylǵan bul qulpytastyń ornyna Qazaqstan Táýelsizdiginiń 25 jyldyǵy qarsańynda záýlim eskertkish ornatý týraly Elbasy Nursultan Nazarbaevtyń tapsyrmasy baryn aıtty. Qazir bolashaq záýlim eskertkishtiń joba-syzbasyna baıqaý jarııalanypty.
Uly Otan soǵysynyń ardageri, 90 jastaǵy Ábdilda Muhametjan jınalǵan qaýymǵa qýǵyn-súrgin jyldary óz ákesinen qalaı aıyrylǵanyn aıtyp berdi. «Meniń ákem, atam jáne atamnyń týǵan inisi 1916 jylǵy Ult-azattyq kóterilisine qatysqan. Atamnyń birneshe inisi men ózin Boraldaı mańynda darǵa asyp, qalǵandaryn túrmege japqan. 1937 jyly 26 jeltoqsan kúni úıge áskerı kıim kıgen úsh adamnyń kelgeni áli esimde. Men qonaq bólmedegi shýdan oıanyp kettim. Olardyń túrleri óte sýyq, yzbarly edi. Sol túni qatty qoryqtym. Olar sol joly meniń ákemdi ózderimen birge alyp ketti. Sodan soń ákemdi qaıtyp kórmedim...», – dedi janary jasqa shylanǵan aqsaqal.
Eske alýǵa jınalǵan kópshilik bir zamanda halyqtyń basyna túsken «qyzyl náýbettiń» qurbandaryna baǵyshtap Quran oqydy, «zulmat qaıtalanbasyn!» dep betterin sıpady.
Talǵat SÚIINBAI,
«Egemen Qazaqstan»
ALMATY
Saıası qýǵyn-súrgin jáne asharshylyq qurbandaryn eske aldy
Qala ákimi Baýyrjan Baıbek qýǵyn-súrgin qurbandaryna arnalǵan eskertkishke gúl shoqtaryn qoıdy. Úlken sharaǵa qatysqandardyń arasynda qoǵam qaıratkerleri, qalalyq máslıhattyń depýtattary, qoǵamdyq uıymdardyń belsendileri, sonymen qatar, qýǵyn-súrgin jyldary qaza tapqandardyń aǵaıyn-týǵandary boldy.
«Qýǵyn-súrgin jáne asharshylyq jyldary elimizde qanshama qaıratker men zııaly jan jazyqsyz jalanyń qurbanyna aınaldy. Ǵalym-zertteýshilerimizdiń málimetterine súıener bolsaq, tek 1921 men 1954 jyldar aralyǵynda ǵana elimizde 25 myńnan astam adam sebep-saldarsyz atylyp ketken. Qýǵyn-súrgin qurbandarynyń urpaqtary uzaq jyldar «halyq jaýynyń» balasy degen aýyr ataqty arqalap júrdi. Zulmat jyldary Qazaqstan óz halqynyń 48 paıyzyn joǵaltty. Sonymen qatar, bul oqıǵalar elimizdiń demografııalyq ósýine, jańǵyrýyna orny tolmas zor nuqsan keltirdi», – dedi B.Baıbek.
Qala basshysy kezinde «qyzyl náýbettiń» qurbandaryna arnalyp qoıylǵan bul qulpytastyń ornyna Qazaqstan Táýelsizdiginiń 25 jyldyǵy qarsańynda záýlim eskertkish ornatý týraly Elbasy Nursultan Nazarbaevtyń tapsyrmasy baryn aıtty. Qazir bolashaq záýlim eskertkishtiń joba-syzbasyna baıqaý jarııalanypty.
Uly Otan soǵysynyń ardageri, 90 jastaǵy Ábdilda Muhametjan jınalǵan qaýymǵa qýǵyn-súrgin jyldary óz ákesinen qalaı aıyrylǵanyn aıtyp berdi. «Meniń ákem, atam jáne atamnyń týǵan inisi 1916 jylǵy Ult-azattyq kóterilisine qatysqan. Atamnyń birneshe inisi men ózin Boraldaı mańynda darǵa asyp, qalǵandaryn túrmege japqan. 1937 jyly 26 jeltoqsan kúni úıge áskerı kıim kıgen úsh adamnyń kelgeni áli esimde. Men qonaq bólmedegi shýdan oıanyp kettim. Olardyń túrleri óte sýyq, yzbarly edi. Sol túni qatty qoryqtym. Olar sol joly meniń ákemdi ózderimen birge alyp ketti. Sodan soń ákemdi qaıtyp kórmedim...», – dedi janary jasqa shylanǵan aqsaqal.
Eske alýǵa jınalǵan kópshilik bir zamanda halyqtyń basyna túsken «qyzyl náýbettiń» qurbandaryna baǵyshtap Quran oqydy, «zulmat qaıtalanbasyn!» dep betterin sıpady.
Talǵat SÚIINBAI,
«Egemen Qazaqstan»
ALMATY
Sońǵy jańalyqtar
Asa iri kólemde alaıaqtyq jasaǵan Qazaqstan azamaty Túrkııadan ekstradısııalandy
Qazaqstan • Búgin, 10:40
Shymkent farmasevtıkasyna 39,5 mlrd teńge ınvestısııa quıylady
Investısııa • Búgin, 10:32
Sıfrlyq transformasııa kitaphanalardy qalaı ózgertip jatyr?
Ádebıet • Búgin, 10:20
«Short-trektiń Marko Roısy men shyǵarmyn...»: Abzal Ájiǵalıev jankúıerlerine alǵys aıtty
Qysqy sport • Búgin, 10:12
Jerasty sý qory: El aýmaǵynda 700-den astam bulaq anyqtaldy
Qoǵam • Búgin, 09:49
Elimizdiń qaı óńirlerinde joldar jabyq tur?
Aýa raıy • Búgin, 09:25
Birqatar oblysta aýa raıyna baılanysty eskertý jarııalandy
Aýa raıy • Búgin, 09:16
Búgin 1 dollardy qansha teńgege satyp alýǵa bolady?
Qarjy • Búgin, 09:10
