Foto: Sý resýrstary jáne ırrıgasııa mınıstrligi
Bulaqtar kartasy jasaldy
Mekeme mamandary qor jáne arhıv materıaldaryn zerdeleı otyryp, el aýmaǵyndaǵy 2 772 bulaqty qamtıtyn arnaıy karta ázirledi. Bulaqtar aldaǵy ýaqytta aýyzsý men sharýashylyq qajettilikke paıdalanýǵa bolatyn qosymsha resýrs bolmaq.
Jerasty sý qory mol
Qazaqstanda aýyzsý, tehnıkalyq sý, sýarý jáne ózge de maqsattarǵa arnalǵan jerasty sýynyń 4 803 ken orny barlanǵan. Memlekettik balans boıynsha táýligine 43,2 mln tekshe metr paıdalaný qory tirkelgen. Alaıda sonyń shamamen 1,5 mln tekshe metri ǵana nemese 3,6 %-y paıdalanylyp otyr.
Salalyq derekterge sáıkes:
-
sharýashylyq-aýyzsýǵa arnalǵan qor – táýligine 21,2 mln tekshe metr;
-
óndiristik-tehnıkalyq qajettilikke – 2,4 mln tekshe metr;
-
sýarý maqsatynda – 19,6 mln tekshe metr.
Bul kórsetkishter jerasty sýynyń áleýeti joǵary ekenin ańǵartady.
Monıtorıng jáne sıfrlandyrý
«Qazgıdrogeologııa» ulttyq gıdrogeologııalyq qyzmetiniń basqarma tóraǵasy Bolat Beknııaz saladaǵy baqylaý tetikteri júıeli jolǵa qoıylǵanyn aıtty.
«Qazaqstanda jerasty sýyna arnalǵan memlekettik monıtorıng jelisi jumys isteıdi. Oǵan 4 myńǵa jýyq baqylaý uńǵymasy kiredi. Olar sý deńgeıin, temperatýrasyn jáne sapasyn qadaǵalaýǵa múmkindik beredi. Qazir monıtorıngtik jáne paıdalaný uńǵymalaryn Sý resýrstarynyń ulttyq aqparattyq júıesine engizý jumystary júrgizilip jatyr», dedi ol.
Salany sıfrlandyrý jerasty sý qoryn tıimdi basqarýǵa, derekterdiń ashyqtyǵyn arttyrýǵa jáne ǵylymı negizdelgen sheshim qabyldaýǵa jol ashady.
Sý resýrstary jáne ırrıgasııa mınıstri: «Kóleńkeli» naryqpen kúresti kúsheıtý mańyzdy
