«REPOS» – «jyldam jeńiske» jasalǵan alǵashqy qadam

Sońǵy bir-eki jyldyń kóleminde eldiń ekonomıkalyq ómirine eleýli ózgeris engizgen jańalyqtyń biri – Bıznesti transformasııalaý baǵdarlamasyn ıaǵnı, Qaıta jańartý baǵdarlamasyn eń aldymen ulttyq kompanııa­lar iske asyra bastaǵany belgili. «QazMunaıGaz» ulttyq kompanııasynyń Qaıta jańartý baǵdarlamasynyń negizgi baǵyty retinde «Barlaý jáne óndirý» bıznesi boıynsha tıimdilikti arttyrýdy aıtýǵa bolady. Álemdegi munaı baǵasynyń quldyraýy bul segmentke keri áserin tıgizbeı qoımaıdy. Sondyqtan eń aldymen osy faktini esepke ala otyryp, ulttyq kompanııa «Barlaý jáne óndirýdi» transformasııalaýda «jyldam jeńiske jetý» jobalaryn iske asyrýdy bastap ketti. Onyń máni – jekelegen kásiporyndarda kapıtaldy qajet etetin jobalardy emes, jeńil iske asyrylatyn jobalardy bir kompanııadan ekinshisine tabysty tájirıbe jolymen engizý. 2016-2017 jyldary «QazMunaıGazdyń» servıstik jáne óndirý kompanııalaryna 30 shaqty jobany iske asyrý josparlanǵan. «Jyldam jeńiske jetý» jobalarynyń biri Mańǵystaý oblysyndaǵy «О́zenmunaıgaz» aksıonerlik qoǵamyna engizilgenin aıtqan jón. «REPOS» aqparattyq júıesine jýyrda ǵana taǵy bir qosymsha synaq júrgizilgen soń, ónerkásipke paıdalaný týraly sheshim shy­ǵaryldy. Bul jobany jasaýǵa «QMG Global Solıýshns B.V.» jaýapkershiligi shekteýli kompanııasy fılıaly men ulttyq kompanııanyń en­shiles uıymy – «QazMunaıGaz» Barlaý О́ndi­rý» aksıonerlik qoǵamynyń sarapshylary qatys­t­y. Joba «О́zenmunaıgaz» AQ bazasynda jasaldy. «Mamandandyrylǵan aqparattyq tehnologııa júıesi – «REPOS» óndirýdi ońtaılandyrýǵa taldaý jasaýǵa, uńǵymalardyń ónimdiligin, geologııalyq jáne tehnıkalyq is-sharalardyń tıimdiligin arttyrýǵa jáne ken oryndaryn jedel basqarý úrdisterin jaqsartýǵa múm­kin­dik beredi. «О́zenmunaıgazda» tájirıbe syna­ǵynan ótken soń «REPOS» aqparattyq júıesi «QazMunaıGaz» kompanııalar tobynyń stan­darty retinde qabyldaný kerek», deıdi «Qaz­MunaıGaz» ulttyq kompanııasynyń perspek­tıvalyq damý jónindegi basqarýshy dırek­tory, «Barlaý jáne óndirý» qaıta jańartý baǵ­darlamasynyń jetekshisi Álıhan Baıdúsenov. Onyń aıtýynsha, bul sekildi jobalardy iske asyrý qazirgi jumys istep turǵan biregeı aqparattyq júıeni jańǵyrtý úshin qajet. Munyń ishinde munaı óndirýdi ońtaılandyrýda jáne sý jiberý júıesine jedel monıtorıng júrgizý, sondaı-aq jedel sheshim qabyldaý osy jobanyń arqasynda múmkin bolmaq. Sondaı-aq, «REPOS» aqparattyq júıesi «QazMunaıGaz» Barlaý О́ndirý» AQ-tyń qazirgi qyzmet etip turǵan málimetter bazasymen biriktirilgen. Bul uńǵymalarǵa ýaqytynda jaýap qaıtarý boıynsha ózekti aqparattardy qadaǵalaýǵa múmkindik beredi. Buǵan qosa Á.Baıdúsenov Qaıta jańartý baǵdarlamasynyń kompanııa úshin óte mańyzdy ekenin, sonyń bir kórinisi retindegi atalmysh aqparattyq júıe bıznes-úrdisti jetildirýdi, aqparattardyń biregeı kózi negizinde sheshim shyǵarýdy, kompanııanyń barlyq deńgeıde ashyqtyǵyn qamtamasyz etetinin atap ótti. «Aqparattyq júıe ótken jyldyń sońynda ornatyldy jáne baptaldy. Sosyn bizdiń kompanııanyń jumysshylary júıeni ıgerý maqsatynda qajetti oqý oqyp, keshendi test tapsyrdy. Aǵymdaǵy jyldyń aqpan aıynda «REPOS» jobasynyń arqasynda óndirý­di ońtaılandyrý úderisine úsh negizgi sıpat­tama berildi: uńǵyma áleýetin baǵalaý, sý jiberýge taldaý jasaý, uńǵymaǵa gıdrodınamı­kalyq zertteýdi engizý. Qazirgi ýaqytta júıe­ni «О́zen­munaıgazdyń» úsh ken ornyna paıda­lanýǵa berýge qosymsha tájirıbeler aıaqtaldy», deıdi «О́zenmunaıgaz» AQ bas dırektorynyń orynbasary Sholpan Pangereeva. Mamannyń sózine súıensek, aqparattyq júıeniń birqatar aıqyn tıimdilikteri bar. Birinshiden, engizilgen júıe óndirýdiń kólemin arttyrady, sondaı-aq, óndiretin jáne aıdama uńǵymalardyń jumys rejimin ońtaı­landyrýdyń esebinen paıdalaný shyǵyndary qysqarady. Sondaı-aq, geologııalyq-tehnı­­kalyq is-sharalar úshin kandıdat-uń­ǵymalarǵa basymdyq beriledi, bul da óndirýdiń kólemin arttyrady. Ekinshiden, paıdalaný shyǵyndaryn azaıtý tıimdiligi tómen is-sharalardy qysqar­týǵa, sorǵy qural-jabdyqtaryn durys tańdaýǵa áser etedi. «QazMunaıGaz» Barlaý О́ndirý» AQ-tyń enshiles uıymdarynda «REPOS» aqparattyq júıesin keńeıtý, jáne de aqparattyq júıemen jumys barysynda qyzmetterdiń árekettestigi boıynsha reglament engizý josparlanýda», deıdi «QazMunaıGaz» Barlaý О́ndirý» AQ bas dırektory Qurmanǵazy Esqazıev. Ol «REPOS» jobasynyń ıntellektýaldy ken oryndary tujyrymdamasynyń quramdas bóligi bolyp tabylatynyn málimdedi. Intellektýaldy ken oryndary tujyrymdamasy negizinde bola­shaqta kemeline jetken ken oryndarynda munaı óndirý 1-3 paıyzǵa deıin artyp, ope­rasııalyq shyǵyndar 10 paıyzǵa deıin kemıdi. «Embimunaıgaz» AQ-qa tıesili Ýaz ken ornynda tujyrymdamanyń alǵashqy nátıjesi tirkelgeni de belgili boldy. «QazMunaıGaz» Barlaý О́ndirý» AQ quramyndaǵy «Embimunaıgazda» da mate­rıal­dyq-tehnıkalyq úrdisterdi ońtaılandyrý, tehnıkalyq qyzmet kórsetý jáne munaı kásip­shiligi qural-jabdyqtaryn jóndeý boıynsha jobalar iske asýda. Olar bir ýaqytta tıimdilikti arttyrý arqyly úrdistiń shyǵynyn kemitýge baǵyttalǵan. Aldyn ala málimet boıynsha materıaldyq-tehnıkalyq qamtamasyz etýdi ońtaılandyrý úrdisi 2017 jyldyń sońyna qaraı «Embimunaıgazdaǵy» materıaldyq-taýarly qordy qazirgi kólemine qaraǵanda 60 paıyzǵa deıin qysqartady. Bul kompanııanyń 2015-2017 jyldar aralyǵynda 3 mıllıard teńge únemdeýine alyp kelmek. «QazMunaıGaz» Barlaý О́ndirý» AQ bas dırektory Q.Esqazıev «jyldam jeńiske jetý» tájirıbelerin aksıonerlik qoǵamnyń barlyq kásiporyndaryna engizýge múddeli ekendikterin jetkizdi. Zamanaýı jaǵdaıda óndiristi jańǵyrtý, qurylymdyq transformasııa, bıznes-úde­risterdi jaqsartý, korporatıvtik mádenıetti arttyrý – bul kez-kelgen kompanııanyń básekege qabilettiliginiń alǵysharttary. Al qazirgi tańda munaı-gaz salasynda qalyptasyp otyrǵan qıyn jaǵdaıda básekege qabilettilik máselesi tipti aldyńǵy orynda turady. Sol úshin «jyldam jeńiske jetýdi» barlyq basshynyń qoldaıtyny daý­syz. Marat AQQUL, «Egemen Qazaqstan»