Elimizde úndistandyq «Desılmaks» dárisin satýǵa tyıym salyndy

10 ret

kórsetildi

1 mın

oqý úshin

Qazaqstanda úndistandyq «Desılmaks» dárilik preparatynyń medısınalyq qoldanysy men aınalymyna resmı túrde tyıym salyndy. Densaýlyq saqtaý mınıstrligi júrgizilgen saraptama nátıjesinen keıin osyndaı sheshim qabyldady, dep jazady Egemen.kz.

Baıan SÚLEIMENQYZY

Elimizde úndistandyq «Desılmaks» dárisin satýǵa tyıym salyndy

Foto: istockphoto.com

2026 jylǵy 11 aqpanda Medısınalyq jáne farmasevtıkalyq baqylaý komıtetiniń tóraǵasy arnaıy buıryqqa qol qoıdy. Qujatqa sáıkes «Desılmaks» tabletkalaryn medısınalyq maqsatta qoldanýǵa tyıym salynady. Preparat el aýmaǵyndaǵy barlyq dárihanalardan keri qaıtarylady.

Tyıym qabyqpen qaptalǵan, 100 mg dozadaǵy, 4 tabletkadan blısterge salynǵan, karton qoraptaǵy ónimge qatysty. О́ndirýshi – úndistandyq «Makleods Farmasıýtıkalz Lımıted» kompanııasy. Serııasy – BSE92301A, jaramdylyq merzimi – 2026 jylǵy shildege deıin.

Shymkent farmasevtıkasyna 39,5 mlrd teńge ınvestısııa quıylady

Buıryq qol qoıylǵan sátten bastap kúshine endi. Iаǵnı preparatty medısınalyq mekemelerde qoldaný men dárihanalarda satý dereý toqtatyldy.

Preparatty aınalymnan alý týraly sheshim Ulttyq dárilik zattar men medısınalyq buıymdardy saraptaý ortalyǵy jasaǵan qorytyndyǵa negizdelgen.

Tórt farmasevtıkalyq zaýyt salynady

Mamandar bul dárini qabyldap júrgen azamattarǵa balamaly ári qaýipsiz em túrin tańdaý úshin dárigerge júginý qajettigin eskertedi. Dárihana ıeleri men medısınalyq mekemeler buıryq talaptaryn múltiksiz oryndaýǵa mindetti. Resmı talaptardy buzǵan jaǵdaıda zańnamaǵa sáıkes ákimshilik jaýapkershilik qarastyrylǵan.