+43

Bıyl Ońtústikte qys bol­maǵan. Buryn da jarytpaıtyn qys mezgiliniń sońǵy ja­­­ǵyn­da shelektep jańbyr jaýyp, jurt­­tyń ápter-táp­te­rin shyǵarǵan edi. Sol jańbyr sál úzilis alyp, mamyrǵa deıin tókti de turdy. Al maýsym aıynda aýa raıy ózgerip, kún ysı bastady. Aýa raıyn zertteýshiler uıa­ly telefondaǵy SMS arqyly osy aptanyń ortasynda kúnniń ys­tyqtyǵy 40-43 gradýsqa deıin jetetinin qulaqtandyrdy. Aptap jerdiń betin tabaǵa shelpek qýyrǵandaı bir tarynyń qaýyzyna syıdyryp tur. Rama­zan aıynda oraza ustaǵandar «bul da qudaıdyń pendesine degen sy­naǵy», dep qansha qınalsa da shúkirshilik etedi. Ońtústik Qazaqstan oblysy­nyń ataýy osylaı bolǵanymen, onyń da ońtústigi men teriskeıi bar. Kún kózine óte jaqyn Sary­aǵash, Maqtaaral aýdandarynda kún qysymy óte joǵary bolǵan­dyqtan, dıqandar sharýasyn tańerteńgilik salqynda bastap, kún qaıtqanda jalǵas­tyrady. Shymkentte sýburqaqtar tolyq jumys jasaýǵa kóshirildi. Adamdar tosyn tabıǵatqa osylaı amaldap jatyr. Baqtııar TAIJAN, «Egemen Qazaqstan» Ońtústik Qazaqstan oblysy