09 Maýsym, 2016

* Basqa basylymdardan

126 ret kórsetildi
logotip1«Shabýyldy úreı shaqyrý úshin jasaǵan» Qazaqstanda terrorlyq qaýiptiń «sary» deńgeıi jarııalandy. Aqtóbe qalasyndaǵy áskerı bólimge qarýly shabýyl jasaldy. Saıasattanýshy Igor Shatrov Aqtóbedegi jaǵdaıdy qozdyrýshy elementterdiń eldegi ahýaldy turaqsyzdandyrýǵa baǵyttalǵan áreketi dep baǵalaıdy. «Saıasattanýshy, Reseı Ulttyq qazirgi zamanǵy ıdeologııany damytý ınstıtýty dırektorynyń orynbasary Igor Shatrov Sputnik radıosynyń efırinde Aqtóbedegi jaǵdaıdy respýblıkadaǵy ahýaldy turaqsyzdandyrýǵa áreket etýdiń jalǵasy degen pikir bildirdi. «Arnaıy qyzmet organdary men respýblıka basshylyǵyna memlekettik tóńkeris jasaýǵa ázirlik júrip jatqany týraly birazdan belgili boldy. Biraq onyń avtorlary jergilikti turǵyndar arasynan qoldaý tapqan joq, eldiń basshylyǵy soǵan deıin óte salmaqty saıası qadamdar jasap úlgerdi. Atap aıtqanda, Qazaqstandy biriktiretin jańa ıdeıaǵa, Prezıdent Nursultan Nazarbaevty qoldaýǵa baǵyttalyp, merziminen buryn ótkizilgen Parlament saılaýy bul mıssııany tabysty atqaryp shyqty. Biz muny qazir qozdyrýshy elementterdiń qoǵamǵa turaqsyzdyq ákelýge tyrysqan áreketteri arqyly Aqtóbeden kórip otyrmyz», deıdi Igor Shatrov», – dep atap kórsetedi agenttik.   «Onyń pikirinshe, bul aksııalardyń báriniń artynda belgili bir tapsyrysshylar tur», – dep qorytady tilshi sózin.  regnum.ru«Orynbor jerinde polısııa jumysy kúsheıtildi» Orynbor oblysynda kúshtik qury­lymdar joǵary daıyndyq rejiminde jumys jasap jatyr. Basylymnyń atap ótýinshe, osylaısha Qazaqstanmen shektesetin birneshe aýdanda polısııa bólimderiniń ǵımarattary kúshti kúzetke alynǵan. Patrýl jasaqtary qarý-jaraq satatyn dúkender bar aýdandardy udaıy torýyldap júr. Qaýiptiń bolý yqtımaldylyǵy jóninde jeke kúzet kásiporyndary men poshta bólimshelerine eskertilgen, dep jazady RIA56 portaly. Orynbor oblysy ishki ister mınıstrligi basqarmasynyń bastyǵy Mıhaıl Davydov oblys turǵyndaryn alańdamaýǵa shaqyrdy. Onyń aıtýynsha, Orynbor jeriniń terrıtorııasy túgel baqylaýda tur. Portal, sonymen birge, Qazaqstannyń Aqtóbe qalasyndaǵy ahýaldyń áli qaýiptiliktiń «qyzyl» deńgeıinde turǵanyna qaramastan, tolyq baqylaýǵa alynǵanyn, ondaǵy kúshtik qurylymdardyń qyra­ǵylyqpen jumys jasap jatqanyn baıandaıdy. banner_belta«Qazaqstan antıterrorlyq operasııa ótkizdi» Belarýstiń basty aqparat agenttigi Qazaq­stannyń batys óńirinde 6 maýsym kúni oryn alǵan terrorlyq oqıǵa týraly jaza kelip, kúshtik qurylymdar oǵan qarsy baǵyttalǵan operasııasyn sátti ótkizgenin jetkizedi. «Quqyq qorǵaý organdaryna shabýyl jasaý­shylardyń úsheýin óltirip, bireýin jaradar etip, bireýin qolǵa túsirýdiń oraıy keldi. Birneshe qylmysker qashyp kete aldy. Qazir olardy ustaýdyń sharalary jasalyp jatyr. Qalada barlyq kóńil kóterý mekemeleri, saý­da ortalyqtary men iri dúkender jabylǵan, olardyń kelýshileri syrtqa shyǵarylǵan», dep jazady agenttik tilshisi. BBC-Logo«Sodyrlar aıaýshylyq tanytqan joq» Ulybrıtanııanyń Bı-Bı-Sı radıosy terrorshylardy aýyzdyqtaý barysynda kúdikti ıslamıst sodyrlardyń qarý-jaraq dúkenderine shabýyl jasaý barysynda  alty adamdy óltirgenin atap kórsetedi. «Polısııamen atys kezinde shabýyl jasaýshylardyń tórteýi óltirildi, biraq birqatary qashyp kete aldy», – delingen habarda. «Qazaqstanda ıslamshylardyń shabýyldary bola qoıady dep kútilmegen  edi. Alaıda, Aqtóbe – Reseı shekarasyna jaqyn ornalasqan qala, osy jerde 2011 jyly Qazaqstanda alǵash ret terakt jasalǵan bolatyn», – dep jazady budan ári portal. Sheteldik basylymdar habarlary boıynsha daıyndaldy
Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar