Elimizdiń basym bóliginde turaqsyz aýa raıy saqtalady

Búgin, 9 maýsym kúni elimizdiń basym bóliginde atmosferalyq frontaldy bólikterdiń ótýine baılanysty turaqsyz aýa raıy saqtalady. Elimizdiń soltústiginiń keı jerlerinde tuman kútiledi. Tek respýblıkanyń ońtústigi men ońtústik-shyǵysynda aýa raıy jaýyn-shashynsyz bolyp, qatty ystyq kútiledi. Aqmola, Qyzylorda, Mańǵystaý, Aqtóbe, Qostanaı, Soltústik Qazaqstan, Pavlodar, Qaraǵandy, sonymen qatar kúndiz Atyraý oblystarynyń keı jerlerinde jeldiń jyldamdyǵy sekýndyna 15-20 metrge deıin kúsheıedi.  Soltústik Qazaqstan oblysynyń keı jerlerinde túnde jáne tańerteń tuman bolady. Shyǵys Qazaqstan oblysynyń keı jerlerinde jel sekýndyna 15-20 metrge deıin kúsheıedi, al kúndiz burshaq bolýy yqtımal. Kúndiz Almaty, Jambyl, Ońtústik Qazaqstan oblystarynda, Qyzylorda oblysynyń keı jerlerinde qatty ystyq bolady dep kútilýde. Aıan Ábdýálı. Derek, foto: inform.kz.