Teraktiden qaza tapqandardyń otbasyna 5 mln. teńgeden beriledi

Aqtóbe oblysynyń ákimi Berdibek Saparbaev terrorlyq akti kezinde qaza tapqan azamattardyń otbasylaryna beriletin materıaldyq kómektiń kólemin arttyrý jóninde sheshim qabyldady. Olarǵa 5 mıllıon teńgeden beriletin bolady. Qazaqstan Prezıdenti Nursultan Nazarbaevtyń tapsyrmasyna sáıkes, 5 maýsym kúni Aqtóbedegi terrorlyq akt kezinde lańkester qolynan qaza tapqandar men zardap shekkenderge aımaq basshysy Berdibek Saparbaev 5 mln. teńgeden aqsha berý jóninde sheshim qabyldady. Aıta keteıik, terakt saldarynan 7 áskerı qyzmetker men azamattyq tulǵalar qaza tapqan bolatyn. Osyǵan oraı Memleket basshysy 9 maýsym Qazaqstanda jalpyulttyq aza tutý kúni dep jarııalady. Búgin respýblıka kóleminde týlar tómen túsirilip, mádenı-kópshilik jáne sporttyq sharalar keıinge shegeriledi. Sonymen qatar, telearnalar men radıolarda beriletin oıyn-saýyq baǵdarlamalary toqtatylady. Talǵat Raıymbek. Derek: Aqtóbe oblysy ákimdiginiń baspasóz qyzmeti. Foto: kapital.kz.