09 Maýsym, 2016

Qazaqtan shyqqan tuńǵysh Olımpıada chempıony

313 ret kórsetildi
  09-06-2016 zharmukhamedov 1 Qazaqtyń talantty tulǵalaryna basqalardyń ortaqtasqysy kelip-aq turady. Bul jaǵynan alǵanda, túbi bir ózbek jurty «ózimsinetin» jandar jetkilikti. Áridegi ál-Farabı babamyzdy aıtpaǵan kúnniń ózinde, beridegi general Rahımovty týysqan halyqtyń enshilep alǵanyn, batyrǵa kórsetilgen kórshi eldegi qurmet aıǵaqtaı túsedi. Bertinde talantty sýretshi Oral Tańsyqbaev ta tegi jaǵynan bolmasa da, nasıhaty jaǵynan «ózbek» bolǵan-dy. Áıteýir, Sabyr Rahımovtyń zaıyby «attandap»  júrip, batyrdy týǵan jurtymen qaıta qaýyshtyryp edi.  Alaıda, generaldyń erligin eline pash etýdegi eńbek áli kemshin soǵyp jatyr. Dańqty basketbolshy Áljan Jarmuhamedovti de orystar «ózbekstandyq» dep baǵalaıdy. Soǵan qaraǵanda qazaq sańlaqtarynyń mártebesi basqa jurt qyzyǵarlyqtaı bolǵany ǵoı. Al biz barymyzdy baǵalaýǵa, talanttarymyzdy asqaqtatýǵa kelgende áli baıaǵydaı beıǵam kúıdemiz... 09-06-2016 zharmukhamedov Áljan Jarmuhamedov – qazaqtan shyqqan tuńǵysh Olımpıada chempıony. Toǵyz dúrkin KSRO chempıony (1970-1978 jj, 1980 j.), KSRO quramasynyń sapynda úsh márte Eýropa chempıony (1967, 1971, 1979 jj.). 1972 jyly Olımpıada chempıony atandy. 1979 jyly «KSRO-ǵa eńbek sińirgen sport sheberi» ataǵyna ıe boldy. Qos saýsaǵy men kórý qabiletiniń kemshindigine qaramastan, Áljan KSRO-ny qosa alǵanda, kári qurlyqtyń talaı dodasynda top jarǵan-dy. Uzyntura qazaqtyń sheberligine tánti bolmaǵandar kem de kem. Álemge áıgili jattyqtyrýshy Aleksandr Gomelskııdiń ózi Áljandy «quryǵyna túsirý úshin» san túrli ádis qoldanǵan. Aqyr aıaǵynda sportshyny Máskeýge «konvoımen» aldyrtýǵa májbúr bolypty. Osynyń bári qazaqtyń baǵyna týǵan basketbolshynyń talantyn eriksiz moıyndaǵany úshin... Áljan aǵamyz ońtústigimizdegi kórshiniń yńǵaıyna jyǵylǵanda, áldeqashan-aq Tashkenttiń tórinde madaq-marapatqa malynyp otyrar ma edi... Ol qaraǵaıǵa qarsy bitken butaq tárizdes qalpynda. «Meni qazaq emes dep kim aıtady? Álde, 1972 jyldan buryn Olımpıada chempıony bolǵan qazaq bar ma? Ákem Músirbektiń tegi tarıhqa endi, ony ózgertý áste múmkin emes. Meniń ákem – qazaq, sheshem – orys...», deıdi dańqty basketbolshy. Tuńǵysh Olımpıada chempıonyn halqymen jaqyndastyrýǵa janyn salyp júrgender – sol baıaǵy jýrnalıster. Áýeli Áljan Jarmuhamedov jýrnalıst Talǵat Batyrhannyń jankeshtiliginiń arqasynda basylym betinde jurtymen qaýyshty. Odan keıin Almatyǵa at basyn tiredi. Onda da bıliktiń emes, sportqa janashyr jandardyń shaqyrýymen. Osydan birneshe jyl buryn syrttaǵy qandastarymyzdyń ókili retinde elordaǵa keldi. Dańqty basketbolshynyń janynan taǵy da Talǵatty kórdik. Elorda tórinde de «Túrkistan ábjylanymen» buqaralyq aqparat ókilderi áńgime-dúken qurdy... Ana bir jyly Aleksandr Vınokýrov bir top sheteldik sportshymen kelgende, «qyrylyp qala jazdaǵanbyz». Ulyqtarymyzǵa deıin zyr júgirgen qyzmet etip. Áljan kelgende, basqa emes Týrızm jáne sport mınıstrligindegilerdiń ózi tym-tyrys. Álde, «qalaı qarsy alý týraly» «komanda» bolmaǵan ba? Solaı shyǵar, bizdiń sheneýnikter buıryqsyz attap baspaıdy ǵoı. Al buıryq bolsa, báriniń tas-talqanyn shyǵarady... «Buıryqsyz qımyldaıtyn» Úkimet te, Parlament te jym-jyrt. Bálkim, Premer-Mınıstr men palata tóraǵalary Áljan Jarmuhamedovtiń eńbeginen, onyń elordaǵa kelgeninen beıhabar shyǵar? Álde Áljandy qabyldaý ol kisilerdiń deńgeıindegi sharýa emes pe? ...Al biz buıryq bere almaımyz. El-jurttyń kókeıindegi saýaldy, arman-tilekti kerenaý keńselerdegi tórelerge jetkizýge tyrysamyz. Memlekettilik mártebesin kóterý degenińiz – tulǵalardyń eńbegin baǵalaýmen, asqaqtatýmen astasyp jatady emes pe! Jurtshylyq tulǵalarǵa qarap boı túzeıdi. Bıyl  elimizdiń sportshylary Rıodaǵy alamanǵa attanar aldynda Áljan Jarmuhamedovti Astana  arnaıy aldyrtyp, asqaqal  retinde bata berse, qandaı tamasha bolar edi! Elimizdiń tuńǵysh Prezıdenti ultymyzdyń tuńǵysh Olımpıada chempıony Áljan syndy sańlaqty Aqordanyń tórine ozdyryp,  biri  sport sańlaqtaryna bata berip, endi biri  Eldiń Týyn tapsyryp jatsa, keremet-aq emes pe! Ǵabıt MÚSIREP.
Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar