Aqtóbede qaza tapqandardy eske alýǵa arnalǵan mıtıng ótti

Memleket basshysy Nursultan Nazarbaevtyń ókimimen 9 maýsym Qazaqstanda lańkestik aktiniń qurbandaryn ulttyq aza tutý kúni bolyp jarııalandy.  Búgin saǵat 9-dan bastap óńirde týlar túsirilip, mádenı-kópshilik, sporttyq jáne oıyn-saýyq sharalary keıinge shegerildi, jergilikti arnalarda oıyn-saýyq tele-radıo baǵdarlamalary toqtatyldy. Ulttyq aza tutý kúninde aqtóbelikter men qala qonaqtary qaıǵyly oqıǵa bolǵan oryndarǵa gúl shoqtaryn qoıyp, lańkestik áreket kezinde qaza tapqandardyń rýhyna qurmet kórsetti. №6655 áskerı bóliminde aza tutý mıtıngi ótip, «Pantera» dúkenine gúl shoqtary qoıyldy. «Nur Ǵasyr» meshitinde qaza tapqandardyń rýhyna quran baǵyshtaldy. 5 maýsym kúni belgisiz top Aqtóbedegi eki qarý-jaraq dúkeni men áskerı bólimge qarýly shabýyl jasady. IIM-niń málimetinshe shabýylǵa qatysýshylardyń deni ustalǵan, 6 adam izdestirilýde. О́kinishke oraı, shabýyl saldarynan 7 áskerı jáne azamattyq tulǵa kóz jumdy. Memleket basshysynyń tapsyrmasymen jergilikti bılik lańkestikten zardap shekken jáne qaıtys bolǵandardyń otbasylaryna jan-jaqty kómek kórsetýde. Satybaldy Sáýirbaı. Derek, foto: egemen.kz