Búgin, 10 maýsym kúni Fransııada fýtboldan Eýropa chempıonaty bastalady. Ol Sen-Denıdiń «Stad de Frans» stadıonynda Fransııa – Rýmynııa quramalary arasyndaǵy matchpen ashylady.
Osyǵan oraı Euronews bir top sarapshynyń chempıonat pen onyń favorıtteri týraly pikirlerin suraǵan eken. Basylymnyń Rımdegi tilshisi
Chınsııa Rıssı (Italııa) buǵan qatysty áńgimeni bylaı bastaıdy:
«Starttyq ysqyryqtyń estilýine sanaýly saǵattar qaldy. Biz osyǵan oraı oǵan qatysýshy komandalardyń óz mamandarymyzdyń tanystyrýlaryna múmkindik beremiz. Men qazir Italııada turǵandyqtan, áýelgi sózi Italııa quramasynan bastap kóreıik.
Jasyratyny joq, Antonıo Konteniń shákirtteri chempıonattaǵy favorıtterdiń qatarynan sanalmaıdy. Bul shynynda da solaı. Komanda quramynda jartylaı qorǵaýshylar Verrattı men Markızıonyń bolmaýy – ıtalıandar úshin aıtarlyqtaı shyǵyn. Sondaı-aq Býffondy alaıyqshy. Quramda «Napolıdiń» forvardy Lorenso Insıne sekildi jas periler bar. Komanda úshin Kıevtegi «Eýro-2012» fınalda jeńilip qalý osy joly naǵyz alǵa umtylýǵa sebep bolýy tıis. Davıd Trezegeniń «altyn goly» úshin Fransııanyń óz alańynda qarymta qaıtarý aqqaınardan soraptaýǵa jaqsy sebep bolar edi. Endi kezekti óz áriptesterime beremin. Al olar ne aıtar eken, tyńdap kóreıik».
Vensan Menar, Fransııa:
«Men aıtsam, «Benzema-Valbýen» arasyndaǵy janjalǵa, Deshamǵa qarsy rasızm aıyby tańylyp jatqanyna qaramastan, jaraqattarǵa, ásirese, qorǵanys shebindegi shetineýlerge qaramastar, «úshtústiler» «Eýrony» uta alar edi. Birinshiden, komandanyń dińgegin Eýropanyń jetekshi komandalarynda oınap júrgen Lorıs, Matıýıdı nemese Grızmann sekildi oıynshylar quraıdy. Ekinshi, budan da mańyzdysy, 1984 jyly Platını komandasy trıýmf jasaǵandaı nemese 1998 jyly Zıdan men onyń dostary jeńiske jetkendeı, bul joly da fransýzdar óz alańynda chempıonat qabyldap jatyr. Qudaı aıtqandaı, «Qudaı úshtikti jaqsy kóredi».
Djo Allen, Anglııa:
«Orta jasy 25-tegi Anglııa quramasy «Eýroǵa» óziniń tarıhyndaǵy eń jas komandany ákeldi. Bul – Dele Allı, Djeımı Vardı men Garrı Keıin syndy jarqyraǵan jas talanttardy janyna tartqan, al Ýeın Rýnı men Djeıms Mılner baı tájirıbelerimen olardy kúsheıte túsetin dınamıkaly, tabandy da shabýylǵa qatty den qoıatyn komanda. Ol 50 jyl boıy iri júldelerden qaǵylyp kelgen komandany jeńiske jeteler alar ma edi? Onda shyndyqtyń betine týra qaraıyq: bıyl «Lester» Anglııa premer-lıgasynda chempıon atanyp, báriniń de múmkin ekenin kórsetip berdi. Endeshe, nege bolmasqa?!»
Alekseı Doval, Reseı:
«Bári – biri úshin, biri – bári úshin?». Bul – Reseı quramasynyń «Eýro-2016»-daǵy resmı urany. Leonıd Slýskııdiń komandasy quramynda álemdik deńgeıdegi juldyzdar joq, biraq ol ujymshyl uıymshyldyǵymen kúshti. Qıyn sátterde osy kómekke keledi. Týrnırdiń aldynda reseılikter alań ortasyndaǵy eki mańyzdy oıynshysy – Dzagoev pen Denısovten aırylyp qaldy. Sondyqtan birinshi matchta komanda quramynyń qandaı bolmaǵy múldem túsiniksiz. Reseılik jankúıerler komandanyń pleı-off kezeńine shyǵaý jetistik dep esepteıdi. Biraq Reseı quramasynyń Fransııada sıýprız jasap, odan da qatty tań qaldyratynyna úmittenip otyr».
Vıktor Sammaın, Germanııa:
«Endi bul chempıonattyń «basty» komandasy – Germanııa týraly aıtaıyq. Osy kezge deıin nemister úsh ret «Eýrony» utty. Biraq bir ǵana komandaǵa burynǵy ataǵyn saqtap qalýdyń oraıy keldi. Ony sońǵy eki chempıonatta Ispanııa jasady. Biz sol eki chempıonattyń fınalynda ıspandardyń qalaı jeńiske jetkenderin jaqsy este saqtap qaldyq. Bizge 2008 jylǵy fınal óte aýyr tıdi. Al Germanııanyń sońǵy jeńisin eshkim de este saqtap qalǵan joq. Sebebi, odan beri kóp ýaqyt ótip ketti. 1996 jyldan beri de 20 jyl artta qaldy. Qazir 4 dúrkin chempıon atanyp jatsaq, tipti keremet bolar edi!».
Denıs Kýlık, Ýkraına:
«Ýkraına Eýropa chempıonaty fınaldyq kezeńiniń jańa komandasy bolyp sanalmaıdy, biraq Shevchenko men onyń jasaǵy sońǵy «Eýroǵa» chempıonatty ótkizýshi elderdiń biri retinde irikteý týrnırinen ótip jatpaı-aq oǵan birden qatysty. Bul joly Mıhaıl Fomenkonyń komandasy Eýropa kúshtileriniń qataryndaǵy ornyn irikteý jarystarynyń shaıqastarynda, aqyrǵy plı-offta jeńip aldy. Sondyqtan Ýkraına quramasyn chempıonattyń favorıti qatarynan qospasaq ta, ol Fransııada fýtbol jankúıerleriniń ystyq yqylasyna bólenip, Konoplıanka men Iаrmolenkodan basqa da jaqsy oıynshylary bar ekenin tanyta alar edi».
Paýla Vıllaplana, Ispanııa:
Ispanııa sońǵy ret Brazılııada ótken Álem kýbogy týrnırinde óte nashar óner kórsetkennen keıin Fransııaǵa bul komandanyń áli de aıtar sózi bar ekenin tanytý úshin kelip otyr. Endi «qyzyl fýrııa» sapynda buryn kóp nárseni istep kelgen Havı, Pýıol, Santı Kasorla sekildi oıynshylar bolmaıdy. Biraq Morata men Nolıto sekildi óz sheberikterin kórsetýge asyǵyp júrgen jas oıynshylar bar. Budan basqa, Ispanııanyń qatarynan úshinshi ret qurlyq chempıondyǵyn utyp alý sııaqty tarıhı jetistikke jetý úshin baryn salatynyn da umytpasaq kerek».
Fatıh Ietım, Túrkııa:
«Túrkııa ádettegideı «Eýronyń» bıletin eń sońǵy sátte ala aldy. Ol 2012 jylǵy chempıon Ispanııamen, sondaı-aq Horvatııamen jáne Chehııamen «ólimge bas tikkender» tobynda kezdesedi. Jarys jolyn jalǵastyrý úshin túrikterge jarqyrap oınaý kerek. Árıne, Fatıh Terımniń oıynshylary týrnırdiń favorıtteri qataryna kirmeıdi, biraq munda sıýrprız jasaýǵa barynsha qulshynyp otyr».
Brýno Soýza, Portýgalııa:
«Sońǵy 20 jylda Portýgalııa Eýropa chempıonatynyń keminde shırek fınalyna udaıy shyǵyp keldi. Osy joly da odan osyny kútý qısyndy bolady. Bul komanda óte tájirıbeli. Ásirese, qorǵanysta. Sonymen birge «tyń kúshter» de bar. Olar – Joaý Marıý, Andre Gomesh jáne Renato Sanches sekildi endi janǵan juldyzdar. Al shabýyldaǵy barlyq salmaq Krıshtıaný Ronaldýdiń ıyǵyna túsedi. Eger onyń densaýlyǵy durys bolyp, bar kúshimen oınaı alsa, Portýgalııa eń joǵary oryndar úshin talasa alar edi».
Gabor Kıss, Vengrııa:
«Bul – vengrlerdiń sońǵy kóptegen urpaqtary úshin Eýropada óz komandasyna jankúıerlik jasaǵaly turǵan birinshi chempıonaty. Buryn mundaı baqytqa bizdiń atalarymyz kóbirek ıe boldy. Vengrııanyń sońǵy ret «Eýroǵa» barǵanyna qazir 44 jyl ótipti. 1972 jyly vengrler 4 oryn aldy. Qazir Fransııaǵa barǵanymyzdyń ózin tabys kórip otyrmyz. Degenmen, jankúıerler óz komandasynyń úsh matchpen ǵana shektelip qalmasyna sengileri keledi. Iаǵnı 1/8 fınalǵa barýyn armandaımyz. Topta ol Avstrııa, Islandııa jáne Portýgalııa komandalarymen oınaıdy».
Rýslan Igilik.
Foto: Euronews.
