Ulandardy umytpaıdy

Memleket basshysy Nursultan Nazarbaev Aqtóbe qalasynda jasalǵan terrorlyq aktiniń saldarynan adamdardyń qurban bolýyna baılanysty el boıynsha 9 maýsymdy ulttyq aza tutý kúni retinde jarııalady, dep habarlady Ulttyq ulannyń baspasóz qyzmeti. Qanisher qaskóılerdiń Aqtóbe qalasynda jasaǵan shabýyly kezinde olarǵa erlikpen toıtarys berý kezinde Ulttyq qaýipsizdik komıtetiniń áskerı qarsy barlaý qyzmetiniń áskerı qyzmetshisi maıor Danıal Maılybaev, Ulttyq ulannyń Aqtóbe qalasyndaǵy 6655 áskerı bóliminiń kelisimshart qyzmetiniń serjanty Berikjan Qalıev jáne merzimdi áskerı qyzmettegi qatardaǵy jaýynger Dosbol Sapar qazaǵa ushyrady. Osyǵan oraı keshe Ulttyq ulan Bas qolbas­shy­lyǵynda bozdaqtardy aza tutý sharasy ótti. Qara­ly jıynǵa Ulttyq ulan Bas qolbasshylyǵynyń jeke quramy, IIM jáne Ulttyq ulan ardagerler keńe­siniń tóraǵasy mılısııa general-maıory О́mirzaq Bolsam­bekov, áskerdiń ardagerler qaýymy jáne Ulttyq qaýip­sizdik komıtetiniń qyzmetkerleri qatysty. Jınalǵan qaýym qarýlastaryn bir mınýt únsizdikpen eske aldy. Ulttyq ulan Bas qolbasshylyǵy atynan sóz alǵan Ulttyq ulan bas qol­bas­shysynyń orynbasary general-maıor Albert Matkarımov: «Men anttaryna adal bolyp, Otan úshin, el úshin ajal qushqan baýyrlarymyzdyń otbasy, týǵan-týystaryna qaıǵylaryna ortaqtasyp kóńil aıtamyn. Bizdiń, Ulttyq ulannyń tarapynan aldaǵy ýaqyttary qara jamylǵan otbasylarǵa qajetti kómektiń barlyǵy da kórsetilip, udaıy qamqorlyqqa alynatyn bolady», – dedi.