Irgetasymyz – beıbitshilik, tatýlyq jáne turaqtylyq

«Nur Otan» partııasy Tóraǵa­sy­nyń birinshi orynbasary men Mań­ǵystaý oblysynyń ákimi Aqtaý qalasynda partııa belsen­dilerimen, ımamdarmen jáne zııaly qaýym ókilderimen birqatar kezdesý ótkizdi. Búgin barsha Qazaqstan jurt­shylyǵy Elbasynyń Aqtó­bedegi jantúrshigerlik lańkes­tiktiń qurbandaryn eske alýǵa arnalǵan ulttyq aza tutýdy jarııa­laǵan keshegi málimdemesin talqy­laýda. Bul taqyryp Muhtar Qul-Muhammed pen Alık Aı­dar­bae­vtyń Aqtaý qalasyndaǵy kezde­sýleriniń de negizgi ózegi boldy. Kezdesýde lańkesterdiń eldi dúrbeleńge salyp, qoǵamda úreı týǵyzýdy kózdegeni, alaıda, olardyń bul áreketterinen túk shyqpaǵany aıtyldy. Qaıta qan­dy oqıǵa birtutas Qazaqstan hal­qyn odan ári uıystyryp, ju­dyryqtaı jumyldyra tústi. Barsha Qazaqstan halqy adam­ger­shilikten ada qandyqol qylmys­kerlerdiń qolynan qaza tapqan­dardyń týǵan-týystary jáne jaqyn-jýyqtarymen birge aza tutýda. Muhtar Qul-Muhammed mań­­ǵys­taýlyqtarǵa Memleket bas­shy­synyń lańkesterdi zańnyń bar­lyq qatań talaptary boıyn­sha jazalaýdy, al terakt qurban­darynyń otbasylaryna qajetti kómek pen qoldaý kórsetýdi tap­syrǵanyn jetkizdi. «Nur Otan» partııasy Tór­aǵasynyń birinshi orynbasary táý­elsiz Qazaqstannyń barlyq jetis­tigi men tabystarynyń berik irgetasy beıbitshilik, birlik jáne turaqtylyq ekenine nazar aýdardy. Bul qasıetti qundylyqtar elimizdegi barlyq azamattar taban tireıtin negiz bolýy kerek. Muhtar Qul-Muhammed partııa­lastaryn, ımamdardy, sondaı-aq, Mańǵystaý oblysynyń ǵylymı jáne shyǵarmashyl zııaly qaýym ókilderin Elbasynyń málimdemesin óńirdiń ár turǵynyna túsindirý úshin birigip jumys isteýge shaqyrdy. Bul jumystardyń jergilikti jastarǵa erekshe kóńil bóle otyryp júzege asyrylýy tıis ekeni de sóz boldy. Kezdesý barysynda koreıler qaýymdastyǵynyń tóraıymy Raısa Madenova: «Biz tek birge ǵana kez kelgen qıyndyqty eńsere alamyz. Sebebi, biz bir halyqpyz jáne bizdiń taǵdyrymyz da bir. Biz Memleket basshysynyń só­zin ár otbasyna jetkizemiz. Biz esh­kim­ge táýelsizdigimizdi, birli­gimiz­di jáne jeńisterimizdi taǵdyr tál­kegine salýǵa jol bermeımiz», – dedi. О́z kezeginde, «Bolashaq» pre­zı­denttik baǵdarlamasy boıynsha Ulybrıtanııanyń jetekshi JOO-synda bilim alǵan jas munaıshy Marat Sıbasov táýel­siz, beıbit jáne turaqty damyp kele jatqan elde týyp-ósken qazaq­standyqtardyń jas býyny Ota­nymyzdyń tynyshtyǵyn ba­ǵa­lap, ony saqtaýda ózgelerden kó­bi­rek kúsh jumsaýy kerektigin aıtty. Jerlesteriniń bul sózderine Mańǵystaý oblysynyń basqa da turǵyndary qoldaý bildirdi. Sondaı-aq, Kaspıı memlekettik tehnologııa jáne ınjınırıng ýnıversıtetiniń rektory Ádilbek Botabekov pen oblystyq qoǵamdyq keńestiń tóraǵasy Saǵyn Qrymqulov ta atalǵan taqyrypta sóz sóıledi. «Egemen-aqparat»