Qorǵanys mınıstrleriniń keńesi

Astanada Shanhaı yn­ty­maqtastyq uıy­myna múshe memleket­ter Qorǵanys mınıstr­leri­niń kezekti keńesi ótti. Keńeske Qazaqstan Res­pýb­­lı­kasynyń Qorǵanys mınıstri Imanǵalı Tas­ma­ǵambetov, Qy­taı Halyq Res­pýblıkasy Mem­le­kettik keńesiniń múshesi – Qor­ǵanys mınıstri general-polkov­nık Chan Vansıýan, Reseı Fede­ra­sııasynyń Qorǵanys mınıstri armııa generaly Sergeı Shoıgý, Tájikstan Respýblıkasynyń Qor­ǵanys mınıstri, general-leıtenant Sheralı Mırzo, О́zbekstan Res­pýblıkasy Qorǵanys mınıstr­iniń birinshi orynbasary – Qor­ǵanys mınıstrligi Bas shtaby­nyń bastyǵy, general-leıtenant Shavkat Normatov qatysty. Son­daı-aq, keńeske ShYU Bas hat­shysynyń orynbasary Sabyr Imandosov pen ShYU О́ńirlik lańkestikke qarsy qurylymy Atqarý komıteti dırektorynyń orynbasary Chjoý Sın qatysty. Kezdesý barysynda qor­ǵanys vedomstvolarynyń basshylary halyqaralyq jáne óńirlik qaýipsizdiktiń ózekti máseleleri boıynsha pikir almasyp, bul salada ShYU memleketteri arasyndaǵy ózara túsinistiktiń joǵary deńgeıin atap ótti. Halyqaralyq terrorızm men óńirlik ekstremızmniń órshý qaýip-qateri jaǵdaıynda qorǵanys vedomstvolarynyń basshylary Uıymnyń keńis­tiginde turaqtylyq pen qaýip­sizdikti nyǵaıtýda úılestirilgen birlesken is-qımyldyń mańyz­dylyǵyn erekshe atady. Osyǵan oraı, qorǵanys ve­doms­tvolarynyń basshylary qaýip­sizdikti qamtamasyz etý jáne ShYU-ǵa múshe mem­­leketterdiń janyn­daǵy sheka­ra­lardan áskerı qaýip-qater­lerge qarsy is-qımyl, sondaı-aq, jedel aqparat almasý bo­ıynsha qor­ǵanys vedomstvo­larynyń ynty­maq­­tastyǵyn damytý máseleleri jóninde úılestiriletin kon­sýl­tatıvtik tetikterdi jetil­dirýge ýaǵdalasty. Keńeske qatysýshylar beı­­bit­­­shilikti, turaqtylyq pen qaýip­siz­dikti nyǵaıtý má­se­lelerin qarastyrdy. Ha­lyq­aralyq lańkes­tik­pen kúre­sý jáne Sırııa hal­qy­na, onyń ishinde bosa­tylǵan qala­lar­dy mına­syzdandyrýǵa kómek kórsetý jóninde Re­seı Fe­de­ra­sııasy Qarýly kúsh­teriniń is-qımyldaryna jo­ǵary baǵa berildi. Olar óńirde yntymaq­tas­tyqty ári qaraı sátti da­mytýǵa senimdilik bildirdi, ShYU-ǵa múshe memleketter arasyndaǵy senimdilik pen ashyq únqatysýdyń ny­ǵaıýyn ras­tady. Onyń il­gerileýi ShYU-ǵa múshe mem­leketter syrt­qy saıa­sa­tynyń ortalyq element­te­ri­niń biri bolyp tabylady. Keńeste ShYU óziniń jo­ba­laryn iske asyra jáne óz­ge de óńirlik jáne halyq­aralyq uıymdarmen ynty­maq­tastyq jasaı otyryp, ShYU memleketteriniń qa­ý­ip­­siz­digine súbeli úles qo­syp júr­­genin atap ótti. Sondaı-aq, ShYU memle­ket­teriniń «jamandyqtyń úsh kúshi­men»: lańkestik, ekstre­mızm, seperatızmmen kúre­sýde tabandylyǵyn pash etetin «Beıbit mıssııa-2016» birlesken áske­rı terrorızmge qar­sy koman­dalyq-shtabtyq oqý-jat­tyǵýyna daıyndyq barysy talqy­landy. Qorǵanys vedomstvo­larynyń bas­shylary ShYU-nyń bola­shaq múshelerin ás­kerı ynty­maq­­tas­tyqqa jal­ǵaý Uıymǵa múshe mem­leke­tter arasyn­daǵy ózara senim­­dilikti nyǵaıtýdyń mańyzdy baǵy­ty bolatynyna senimdilik bil­dirdi. Shanhaı rýhyn nyǵaıtý isinde áskerı orkestrlerdiń «Beıbit­shilik kerneıi-2016» festıva­liniń joǵary rólin atap ótti jáne ony jıi ótkizý praktıkasyn jalǵastyrǵan jón dep sheshti. Sonymen qatar, keńesti daıyn­daý jónin­de Qazaqstan Respýb­lı­ka­synyń Qorǵanys mınıstr­­ligimen jumsalǵan kúsh-ji­gerdi joǵary baǵa­lap, qo­laıly jaǵdaı men qo­naqjaı­lylyqqa alǵys bildirdi. 2017 jyly Qa­zaqstan Respýb­lı­k­a­­synda ShYU-ǵa múshe mem­leket­ter qorǵanys mınıstr­leri­niń kezekti oty­rysyn ótki­zý qajet degen she­shim qabyldandy. Shanhaı yntymaqtastyq uıy­myna múshe memleketter Qor­ǵa­nys mınıstrleri keńesiniń qory­tyndysy boıynsha birlesken kommıýnıkege qol qoıyldy. Sáýlebek BIRJAN