Aza tutý kúnindegi qoldaý

Keshe adamdar Qazaqstan Respýblıkasynyń Máskeýdegi elshiligi rezıdensııasyna kelip, 5 maýsymda Aqtóbe qalasynda oryn alǵan qaıǵyly oqıǵalarǵa baılanysty ózderiniń kóńil aıtýlaryn bildirdi. Reseı Federasııasy Úkimeti men Syrtqy ister mınıstrliginiń atynan Kóńil aıtý kitabyna ózi­niń jazbasyn Reseı Syrtqy is­ter mınıstriniń orynbasary – stats-hatshy Grıgorıı Karasın qaldyrdy. «Osy aýyr sátte biz dostas ári odaqtas Qazaqstanmen birge terrorızmge qarsy kúreste, adamzatqa qarsy jańa qylmystardyń betin qaıtarýda asa tyǵyz ózara is-qımyl tanytýǵa daıyn ekenimizdi sheshimdi túrde málimdeımiz», – dep jazady G.Karasın. «Adamzatqa jat terrorlyq aktiniń saldarynan Qazaqstan azamattarynyń qaza tabýyna baılanysty» kóńil aıtýyn UQShU-nyń Bas hatshysy Nıkolaı Bordıýja da bildirdi. Aza tutý kitabyna Táýelsiz Memleketter Dostastyǵyna múshe barlyq elderdiń elshi­leri, planetanyń barlyq qur­lyq­tarynan ókildik etetin alys jáne taıaý shetelderdiń aǵa dıplomattary men áske­rı attasheleri ózderiniń qol­tań­balaryn qaldyrdy. Kitap­qa ózderiniń kóńil aıtýlaryn jazyp qaldyrý úshin Reseı asta­na­sy­nyń turǵyndary men qazaq dıas­po­rasynyń ókilderi  kezekke turdy. Olardyń barlyǵy Qa­zaq­­stan halqyna ózderiniń qol­daý sózderin bildirip, Aqtó­be­de jasalǵan qanquı­ly terror­lyq shabýyldy jaz­ǵyratyn­dyq­taryn málimdedi. Osy lańkestikke baılanys­ty óziniń qoldaýyn reseılik ja­zýshy, «Reseıdiń altyn qaýyr­syny» Kırıll Prıvalov bylaı dep bildirdi: «Osy kúni biz Qazaqstanmen, osy eldiń halqymen birgemiz. Bul eldi men otbasymmen bir­ge ejelden týǵan elim sanap ke­le­­min. Qazaqstandyqtardyń arqa­synda meniń týǵan-týysqan­darym jantúrshigerlik evakýa­sııa ýaqytynda aman qaldy. Olar bolmaǵanda meniń jaqyn­darymnyń bári qaza tapqan bolar edi. Jáne búginde biz Qa­zaqstannyń janynan tabylýǵa tıispiz. О́ıtkeni, Qazaqstan, basqa da barlyq órkenıetti adamzat sekildi, eshqandaı moraldyq krıterııler men ıdealdary joq aıar da aramza adamdarmen aýyr da qaterli, jasyryn kúres júrgizip keledi. Men bar­sha­myz kúsh biriktirip, osy kúres­te jeńiske jetetinimizge senim­dimin. Onyń ústine, Qazaqstan basshylyǵynda Nursultan Ábishuly Nazarbaev sekildi uly da tarıhı kóshbasshy otyr. Berik bolyńdar, dostar!». 6 maýsymnan máskeýlikter Chıstye prýdydaǵy Abaı es­kert­kishine gúl shoqtaryn qoıa bas­taǵan bolatyn. «Egemen-aqparat»