Et ishinde... dári bar

«Qaýipti et ónim­derin óndirýshi  shyǵys­qazaqstandyq jeke ká­sipker Ádilbek E. etti «Aqjol» dúke­ni­ne jet­kizgen, ońtús­tik­qa­zaq­stan­dyq jeke kásipker Ǵazıbaev N. etti «Realıst» sýper­mar­ketine jetkiz­gen, a­lmatylyq «Krom Ekspo-A» JShS qura­­myn­da dári­lik qospalary bar Kanada etin «Aqjol» dúkenine jetkizgendigi anyq­taldy. Qaýipti et búkil saýda jelisinen alynyp tastaldy jáne tolyqtaı joıyldy. Qazir óndirý jáne saqtaý oryndarynda jospardan tys tekserý jumystary júrgizilýde» delingen  Tutynýshylardyń qu­qyqtaryn qorǵaý komı­tetiniń habarlamasynda. Aýyl sharýashy­ly­ǵynda maldyń túrli aýrýlaryn emdeý úshin qoldanylatyn tetrasıklın dárisi – antıbıotıkter tobyna kiretin dárilik zat. Quramynda tetrasıklın qaldyqtary bar ónimderdi tutyný adamnyń ishek mıkroflorasyna keri áserin tıgizip, zeń aýrýlaryna shaldyǵý, allergııalyq reaksııanyń paıda bolýy, aǵzanyń aýrýlarǵa qarsylasýyn tómendetý, pato­gendik mıkroorganızmderdiń joǵarylaýy sekildi qaýip-qater táýekelin arttyrady. Atalmysh preparattyń áserliligine sezim­taldyqty tómendetip, aldaǵy ýaqyt­ta munymen emdeý naýqas jan úshin múldem tıimsiz bolyp qalýy múmkin dep túsindirýde maman­dar. Qanat ESKENDIR, «Egemen Qazaqstan» ALMATY