10 Maýsym, 2016

Alaıaqtar

321 ret
kórsetildi
2 mın
oqý úshin
AlaıakJalǵan kásipkerlikpen aınalysyp, jalǵandy jalpaǵynan basqandar azaımaı keledi. Jalǵan mekeme-kásiporyn qurý qylmystyq ister qataryna jatady. Jalǵan kásipkerlikke tán basty sıpat – salyq tóleýden jaltarý desek, Batys Qazaqstan oblysynda dál osyndaı jaǵdaıda memleketke túıeniń tabanyndaı 4 mıllıard teńge kóleminde shyǵyn keltirilipti. Sotqa deıingi tergep, tekserý barysynda osy qomaqty somadan memleketke qaıtarylǵany 80 mıllıon teńge ǵana eken. Tek bıylǵy jyly óńirde jalǵan kásipkerliktiń 15 dere­gi anyqtalǵan. Soǵan saı 5 qyl­mystyq is sotqa jol­danǵan. Son­daı-aq, bıyl jalǵan kásip­kerlik qurǵan tórt kisige qa­tysty sottyń aıyptaý úkim­deri shy­ǵarylǵan. Olardyń jalǵan kásipkerlik sıpatyndaǵy qylmysynan memleketke 2 mıllıard 267 mıllıon teńge shamasynda shyǵyn kelgen. Iаǵnı munyń ózi osynshama kólemdegi jeke tabys, korporasııalyq jáne qosymsha qun salyǵy tólenbeı qaldy degen sóz. Búginde úsh úkim zańdy kúshine engizilipti. Bul jóninde gazet tilshisine sot aktileriniń zańdylyǵyn qadaǵalaý jáne qyl­mystyq ister boıynsha mem­lekettiń múddesine ókildik etý basqarmasynyń bastyǵy Nurlan Maqatov málimdedi. Oblysta ótken jyly da 2013-2014 jyldary «IndustrialComplex», «Progress LTD», «Sardar­Stroı» JShS-niń atynan jalǵan kási­pker­lik qyz­metpen aı­nalysqan N.Qu­balıeva, A.Oraz­ǵalıeva já­­ne R.Er­kin­ǵalıevanyń qyl­­­mystyq isteri sotta qa­ralǵanyn aı­ta ketkenniń artyqshylyǵy bola qoımas. Olar memleket qa­zynasyna 650 mıllıon teń­ge shyǵyn keltirgen. Bul kóri­nis kon­tragentterdiń salyq tóle­meýinen oryn alǵan. Osy úsheýi 2015 jyly shartty mer­­zimge sottalǵan. Eń bas­tysy, osy qyl­mystardy tikeleı uıym­das­tyrý­shy E.Dúısekenov 2016 jyl­dyń 23 aqpany kúni sot úkimi boıynsha múlki tárkilenip, úsh jylǵa bas bostandyǵynan aıyryldy. Qazirgi kúni jergilikti quqyq qorǵaý organdary men sot júıe­sinde osy máseleler boıynsha júıeli jumystar qolǵa alynǵany kóńilge úl­ken medeý. Munyń naqty my­­saldary da joq emes. Aı­talyq bıylǵy 2016 jyly sotqa jalǵan tulǵalardyń atyna rásimdelgen jáne jal­ǵan kásip­kerliktiń bel­gileri baıqalǵan «zań­dy tulǵalardyń» memlekettik tir­keýin buzý týraly talap-aryz­dar joldanǵan. Qazir onyń bir­qa­tary qanaǵat­tandyrylyp, qalǵ­an­dary qaralý ústinde ekenin bildik. Temir Qusaıyn, «Egemen Qazaqstan» Batys Qazaqstan oblysy