Ramazan aıyna arnalǵan syılyq

Qasıetti Ramazan aıynda jasaǵan árbir qaıyrly istiń saýaby Jaratqannyń quzy­retinde onnan jeti júz esege deıin kóbeıtiledi, deıdi. Saýapty isten qur qalǵysy kel­megen Ulybrıtanııadaǵy iri sýpermarketter jelisi óz tutynýshylaryna jeńildikter jasap, meshitterge kómek kór­setip jatyr. Naqtyraq aıtqanda, London, Manchester, Bredford jáne Bır­mıngem qalalarynda ornalasqan jıyrmaǵa jýyq meshitke erekshe syılyq jasaldy. Tesco kompanııasy qaıyrymdylyq sharalaryna arnap jalpy somasy 30 myń dollardy quraıtyn azyq-túlik qoryn qulshylyq úılerine taratyp bergen. – Ramazan aıy – barsha musylman qaýymy úshin qasıetti aı. Al bizdiń tutynýshylarymyz ben dostarymyzdyń kópshiligi Islam dinin ustanady. Osyǵan baılanysty bul aıda azyq-túlik pen daıyn taǵamdardyń baǵa­syn 300 sýpermarketimizde tómen baǵamen satyp otyrmyz. Sonymen qatar, tek jeńil­­diktermen shektelmeı, meshit­terge de kómektesýdi uıǵar­dyq, – deıdi kompanııa menedjeri Mett Klar. Aıta keteıik, bıyl oraza aıy 29 kúnge ulasyp, 5 shilde kúni Oraza aıtymen ulasady. Aıan ÁBDÝÁLI, «Egemen Qazaqstan»