Qazaqstan Respýblıkasy Memlekettik qyzmet isteri mınıstrliginiń buıryǵy  №1 

2016 jylǵy 5 qańtar, Astana qalasy Qazaqstan Respýblıkasy Memlekettik qyzmet isteri mınıstrliginiń Sybaılas jemqorlyqqa qarsy is-qımyl ulttyq bıýrosy týraly erejeni bekitý týraly «Normatıvtik quqyqtyq aktiler týraly» Qazaqstan Respýblıkasy Zańy 29-baby 1-tarmaǵynyń 6) tarmaqshasyna, «Qazaqstan Respýblıkasy Memlekettik qyzmet isteri mınıstrliginiń keıbir máseleleri týraly» Qazaqstan Respýblıkasy Úkimetiniń 2015 jylǵy 26 jeltoqsandaǵy № 1081 qbp qaýlysyna sáıkes, buıyramyn: 1. Qosa berilip otyrǵan Qazaqstan Respýblıkasy Memlekettik qyzmet isteri mınıstrliginiń Sybaılas jemqorlyqqa qarsy is-qımyl ulttyq bıýrosy týraly ereje (budan ári – Ereje) bekitilsin. 2. Qazaqstan Respýblıkasy Memlekettik qyzmet isteri mınıstrliginiń Sybaılas jemqorlyqqa qarsy is-qımyl ulttyq bıýrosy zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqty memlekettik tirkegennen keıin kúntizbelik on kún ishinde merzimdi baspa basylymdarda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasynyń normatıvtik quqyqtyq aktileriniń etalondyq baqylaý bankine ornalastyrý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy; 3) osy buıryqty Qazaqstan Respýblıkasy Memlekettik qyzmet isteri mınıstrligi Sybaılas jemqorlyqqa qarsy is-qımyl ulttyq bıýrosynyń ınternet-resýrsynda ornalastyrýdy qamtamasyz etsin. 3. Osy buıryq alǵash resmı jarııalanǵannan kúnnen bastap qoldanysqa engiziledi. Mınıstr T.DONAQOV Qazaqstan Respýblıkasy Memlekettik qyzmet isteri mınıstrliginiń Jaýapty hatshysynyń 2016 jylǵy 5 qańtardaǵy №1 buıryǵymen BEKITILGEN Qazaqstan Respýblıkasy Memlekettik qyzmet isteri mınıstrliginiń Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet) týraly ereje 1. Jalpy erejeler 1. Qazaqstan Respýblıkasy Memlekettik qyzmet isteri mınıstrliginiń Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet) (budan ári – Ulttyq bıýro) ortalyq atqarý organynyń quzyreti sheginde sybaılas jemqorlyq quqyq buzýshylyqtardyń aldyn alý, anyqtaý, jolyn kesý, ashý jáne tergeý máseleleri boıynsha jáne Qazaqstan Respýblıkasynyń zańnamasyna sáıkes ózge de fýnksııalardy júzege asyratyn Qazaqstan Respýblıkasy Memlekettik qyzmet isteri mınıstrliginiń vedomstvosy bolyp tabylady. 2. Ulttyq bıýro óz qyzmetin Qazaqstan Respýblıkasynyń Konstıtýsııasyna jáne Qazaqstan Respýblıkasynyń zańdaryna, Qazaqstan Respýblıkasy Prezıdentiniń jáne Úkimetiniń aktilerine, ózge de normatıvtik quqyqtyq aktilerge, osy Erejege, sondaı-aq Qazaqstan Respýblıkasy ratıfıkasııalaǵan halyqaralyq sharttarǵa sáıkes júzege asyrady. 3. Ulttyq bıýro respýblıkalyq memlekettik mekemeniń uıymdastyrý-quqyqtyq nysanyndaǵy zańdy tulǵa bolyp tabylady, memlekettik tilde óz ataýymen móri jáne mórtańbasy, belgilengen úlgidegi blankileri, sondaı-aq Qazaqstan Respýblıkasynyń zańnamasyna sáıkes Qazaqstan Respýblıkasy Qarjy mınıstrliginiń qazynashylyq organdarynda shottary bar. 4. Ulttyq bıýro azamattyq-quqyqtyq qatynastarǵa óz atynan túsedi. 5. Ulttyq bıýronyń, eger zańnamaǵa sáıkes oǵan ýákilettik berilgen bolsa, memlekettiń atynan azamattyq-quqyqtyq qatynastardyń tarapy bola alady. 6. Ulttyq bıýro óz quzyretiniń máseleleri boıynsha Qazaqstan Respýblıkasynyń zańnamasynda belgilengen tártippen Ulttyq bıýro Tóraǵasynyń buıryqtarymen resimdeletin sheshimder qabyldaıdy. 7. Ulttyq bıýronyń qurylymy men shtat sanyn Memlekettik qyzmet isteri mınıstrimen (budan ári - Mınıstr) kelisilgennen keıin Ulttyq bıýro Tóraǵasynyń usynýy boıynsha Mınıstrliktiń Jaýapty hatshysy bekitedi. 8. Ulttyq bıýronyń zańdy mekenjaıy: pochta ındeksi 010000, Qazaqstan Respýblıkasy, Astana qalasy, Almaty aýdany, Seıfýllın kóshesi, 37. 9. Ulttyq bıýronyń tolyq ataýy – «Qazaqstan Respýblıkasy Memlekettik qyzmet isteri mınıstrliginiń Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet)» respýblıkalyq memlekettik mekemesi. 10. Osy Ereje Ulttyq bıýronyń quryltaı qujaty bolyp tabylady. 11. Ulttyq bıýronyń qyzmetin qarjylandyrý respýblıkalyq bıýdjetten júzege asyrylady. 12. Ulttyq bıýroǵa kásipkerlik sýbektilermen Ulttyq bıýronyń fýnksııalary bolyp tabylatyn mindetterdi oryndaý mánine sharttyq qatynastarǵa túsýge ruqsat etilmeıdi. 2. Ulttyq bıýronyń mindetteri, fýnksııalary, quqyqtary men mindettemeleri 13. Ulttyq bıýronyń mindetteri: 1) jeke jáne zańdy tulǵalardyń, qoǵam men memlekettiń quqyqtaryn, bostandyqtary men zańdy múddelerin qorǵaý; 2) sybaılas jemqorlyq quqyq buzýshylyqtardyń aldyn alý, anyqtaý, jolyn kesý, ashý jáne tergeý máseleleri boıynsha memlekettik saıasatty ázirleýge jáne iske asyrýǵa qatysý; 3) sybaılas jemqorlyq quqyq buzýshylyqtardyń aldyn alý, anyqtaý, jolyn kesý, ashý jáne tergeý. 14. Ulttyq bıýronyń fýnksııalary: 1) sybaılas jemqorlyqqa qarsy is-qımyl salasyndaǵy strategııalardy jáne baǵdarlamalardy ázirleýge jáne iske asyrýǵa qatysý; 2) Qazaqstan Respýblıkasynyń Prezıdentine Sybaılas jemqorlyqqa qarsy is-qımyl ulttyq baıandamany daıyndaýǵa qatysý; 3) qylmystyq jáne ákimshilik quqyq buzýshylyq týraly aryzdardy, habarlamalardy jáne ózge aqparatty qabyldaý, tirkeý jáne qaraý; 4) sotqa deıingi tergep-tekserýdi, onyń ishinde aldyn ala tergeý, anyqtaý jáne hattamalyq nysanda júrgizý; 5) qylmystyq proseske qatysatyn adamdardyń qaýipsizdigin qamtamasyz etý; 6) jedel-izdestirý qyzmetin uıymdastyrý jáne júzege asyrý; 7) jarııa emes tergeý áreketterin, jalpy jáne arnaıy jedel-izdestirý is-sharalaryn júrgizý barysynda arnaıy jáne basqa tehnıkalyq quraldardy qoldaný; 8) Ulttyq bıýroǵa bólingen bıýdjettik qarjat sheginde, jedel-izdestirý qyzmetin qarjylyq jáne materıaldyq-tehnıkalyq jabdyqtaý; 9) tergeýden, anyqtaýdan nemese sottan jasyrynyp júrgen izdeýdegi adamdardyń turatyn jerin anyqtaý jáne ustaý; 10) sybaılas jemqorlyq quqyq buzýshylyqtar jáne qylmystar boıynsha jedel-izdestirý, ákimshilik, tergeý qyzmeti tájirıbesine taldaý júrgizý; 11) Ulttyq bıýronyń aýmaqtyq organdarynyń qyzmetin baqylaý, úılestirý jáne baǵalaý; 12) vedomstvolyq statıstıkany qalyptastyrý; 13) sybaılas jemqorlyq qylmystar týraly qylmystyq ister boıynsha tárkilengen múlikti jáne ádette, qylmystyq jolmen tabylǵan qarajatqa alynǵan múlikti memlekettiń kirisine aınaldyrý týraly aqparatty keıin jarııalaýmen iske asyrýǵa monıtorıngti júzege asyrý; 14) sybaılas jemqorlyq quqyq buzýshylyqtardy anyqtaý jáne aldyn alý turǵysynan áleýmettik-ekonomıkalyq salanyń krımınogendik jaǵdaıyn taldaý; 15) basqa quqyq qorǵaý jáne arnaýly organdardan, onyń ishinde shet memleketterdiń quzyretti organdarynan kelip túsken ótinishterdi jáne suraý salýlardy oryndaý; 16) sybaılas jemqorlyq quqyq buzýshylyqtardyń aldyn alý, anyqtaý, jolyn kesý, ashý jáne tergeý máseleleri boıynsha basqa memlekettik organdarmen, uıymdarmen jáne shetel memleketteriniń tıisti organdarymen óz quzyreti sheginde ózara is-qımyl jasaý; 17) aqparattyq qaýipsizdik saıasatty iske asyrý, Ulttyq bıýronyń tehnıkalyq jáne aqparattyq qaýipsizdigin qamtamasyz etý jáne jetildirý; 18) tergeý-jedel qyzmet máseleleri boıynsha Ulttyq bıýroǵa júktelgen mindettedi sheshýdi qamtamasyz etetin aqparattyq júıelerdi qurý jáne paıdalaný; 19) Ulttyq bıýronyń ákimshilik ǵımarattaryn qorǵaý rejimin jáne ótkizý rejimin qamtamasyz etý; 20) Ulttyq bıýronyń qarýlandyrýynda turǵan qarýlardyń, oq-dárilerdiń, arnaıy quraldardyń saqtalýyn esepke alý jáne baqylaý; 21) beıbit jáne soǵys ýaqytynda tótenshe jaǵdaılar týyndaǵan kezde Ulttyq bıýronyń jumysynyń turaqtylyǵyn arttyrý, jumyldyrý daıarlyǵy; 22) memlekettik qupııalardy qorǵaýdy qamtamasyz etý jáne qupııalyq rejimniń saqtalýyn vedomstvolyq baqylaý; 23) Ulttyq bıýronyń biryńǵaı kadr saıasatyn ázirleý jáne iske asyrý; 24) Ulttyq bıýronyń jeke quramynyń arasyndaǵy quqyq buzýshylyqtardyń aldyn alý jáne jolyn kesý; 25) adamnyń jáne azamattyń quqyqtary men bostandyqtaryn qozǵaıtyn normatıvtik quqyqtyq aktilerdi qospaǵanda, vedomstvonyń quzyretine kiretin máseleler boıynsha jáne mınıstirliktiń aktilerinde olardy bekitý boıynsha tikeleı quzyretter bolǵan jaǵdaıda normatıvtik quqyqtyq aktilerdi bekitý; 26) Qazaqstan Respýblıkasynyń zańnamasynda kózdelgen ózge fýnksııalardy júzege asyrý. 15. Ulttyq bıýronyń quqyqtary: 1) adamnyń jáne azamattyń quqyqtary men bostandyqtaryn qozǵaıtyn normatıvtik quqyqtyq aktilerdi qospaǵanda, Ulttyq bıýronyń quzyretine kiretin máseleler boıynsha normatıvtik quqyqtyq aktilerdi Mınıstrliktiń kelismi boıynsha ázirleý jáne bekitý; 2) sybaılas jemqorlyqqa qarsy is-qımyl boıynsha baǵdarlamalyq qujattardy ázirleýge jáne iske asyrýǵa qatysý; 3) sybaılas jemqorlyqqa qarsy is-qımyl salasynda normatıvtik-quqyqtyq bazany jetildirý boıynsha usynystar ázirleý; 4) Qazaqstan Respýblıkasynyń zańnamasynda kózdelgen tártippen tergeý áreketterin júrgizý, prosestik sheshimderdi qabyldaý jáne jedel-izdestirý is-sharalaryn júzege asyrý; 5) memlekettik organdarǵa, uıymdarǵa jáne olarda basqarýshylyq fýnksııalardy oryndaıtyn adamdarǵa Qazaqstan Respýblıkasynyń qylmystyq-prosestik zańnamasynda belgilengen tártippen, mán-jaılardy nemese zańdy basqa da buzýshylyqtardy joıý jóninde sharalar qabyldaý týraly usynystar engizý; 6) qylmystyq-prosestik zańnamaǵa jáne (nemese) ákimshilik quqyq buzýshylyq týraly zańnamaǵa sáıkes qujattardy, taýarlardy, zattardy nemese ózge de múlikti alyp qoıý nemese alýdy júrgizý; 7) Qazaqstan Respýblıkasynyń zańnamasynda kózdelgen jaǵdaılarda, ýákiletti organdar men laýazymdy adamdardan revızııalar, salyqtyq jáne basqa da tekserýler, memlekettik aýdıt jáne baǵalaý júrgizýdi talap etý; 8) zańnamada kózdelgen tártipte tıisti ýaqytsha ustaý ızolıatorlaryn, tergeý ızolıatorlaryn paıdalaný; 9) memlekettik organdardan, uıymdardan, laýazymdyq jáne jeke tulǵalardan Qazaqstan Respýblıkasynyń zańnamasynda belgilengen tártippen qajetti aqparattar men materıaldardy suratý jáne alý; 10) ózara aqparat almasýdy, onyń ishinde zańnamada belgilengen tártippen elektrondyq tásilmen qamtamasyz ete otyryp, Ulttyq bıýronyń quzyretine kiretin máseleler boıynsha memlekettik organdarmen jáne uıymdarmen, basqa quqyq qorǵaý organdarymen, halyqaralyq uıymdarmen ózara is-qımyldy júzege asyrý; 11) Ulttyq bıýronyń júrgizýine jatatyn máseleler boıynsha shet memleketterdiń tıisti organdarymen, halyqaralyq uıymdarmen yntymaqtasý, sondaı-aq sybaılas jemqorlyqqa qarsy is-qımyl salasyndaǵy halyqaralyq sharttardy jasasý jáne qosylý boıynsha mınıstirlikke usynystar engizý; 12) Ulttyq bıýroǵa júktelgen mindetterdi sheshýdi qamtamasyz etetin aqparattyq júıeni paıdalaný, sotqa deıingi tergep-tekserý barysynda zertteýdi, Qazaqstan Respýblıkasynyń zańnamasyna sáıkes ákimshilik quqyq buzýshylyqtar týraly ister boıynsha is júrgizýdi uıymdastyrý; 13) atys jáne ózge qarýdy, arnaıy quraldardy alyp júrý, saqtaý jáne qoldaný, sondaı-aq qajet bolǵan jaǵdaıda qol kúshin, onyń ishinde Qazaqstan Respýblıkasynyń zańnamasynda belgilengen tártippen jaýyngerlik kúres tásilderin qoldaný; 14) Ulttyq bıýronyń jáne onyń aýmaqtyq bólimsheleri qyzmetkerleriniń (jumyskerleriniń) qyzmetindegi ishki qaýipsizdiktiń qamtamasyz etilýin jáne zańdylyqtyń saqtalýyn qamtamasyz etý boıynsha sharalar qabyldaý; 15) Qazaqstan Respýblıkasynyń zańnamasyna sáıkes sotqa aryz-talaptardy usyný; 16) Qazaqstan Respýblıkasynyń zańnamasynda kózdelgen ózge quqyqtardy júzege asyrý. 16. Ulttyq bıýronyń mindetteri: 1) quqyq buzýshylyqtar týraly ótinishterdi, habarlamalardy, shaǵymdar men basqa da aqparattardy qabyldaý, tirkeý, esepke alý jáne qarastyrý kezindegi zańdylyqty saqtaý; 2) qylmystyq ister boıynsha zattaı aıǵaqtardy, sotqa deıingi tergep-tekserýdiń merzimi toqtatylǵan qylmystyq isterdi esepke alý jáne saqtaý; 3) prokýrorlyq yqpal etý jáne sot aktilerin qaraý; 4) ákimshilik quqyq buzýshylyq týraly hattamalardy jasaý jáne isterdi qaraý, ákimshilik ustaýdy júzege asyrý, sondaı-aq ákimshilik quqyq buzýshylyq týraly zańnamada kózdelgen basqa da sharalardy qoldaný; 5) qylmystyq ister óndirisindegi shaqyrý boıynsha kelýden jaltarǵan adamdardy kúshtep ákelý; 6) ustalǵan jáne qamaýǵa alynǵan adamdardy aıdap alyp kelý; 7) izdeýdegi adamdardyń ornalasý jerin anyqtaý jáne ustaý boıynsha is-sharalar júrgizý; 8) Ulttyq bıýronyń belgilengen quzyreti sheginde izdeýdegi adamdardy alyp kelýdi uıymdastyrý; 9) óz qyzmetin júzege asyrý kezinde qyzmettik tártipti jáne qupııalyq rejimdi saqtaý; 10) Ulttyq bıýronyń jáne onyń aýmaqtyq bólimsheleriniń qyzmetkerlerin (jumyskerlerin) daıarlaýdy, qaıta daıarlaýdy jáne biliktiligin arttyrýdy júzege asyrý; 11) Qazaqstan Respýblıkasynyń zańnamasynda kózdelgen ózge mindetterdi júzege asyrý. 3. Qyzmetti uıymdastyrý 17. Ulttyq bıýrony basqarýdy vedomstvoǵa júktelgen mindetterdiń oryndalýyna jáne onyń óz fýnksııalaryn júzege asyrýǵa derbes jaýaptylyqta bolatyn Tóraǵa júzege asyrady. 18. Ulttyq bıýronyń Tóraǵasyn Qazaqstan Respýblıkasynyń Prezıdenti qyzmetke taǵaıyndaıdy jáne qyzmetten bosatady. 19. Ulttyq bıýro Tóraǵasynyń Qazaqstan Respýblıkasynyń zańnamasyna sáıkes qyzmetke taǵaıyndalatyn jáne qyzmetten bosatylatyn eki orynbasary bolady. 20. Ulttyq bıýro Tóraǵasynyń ókilettikteri: 1) Ulttyq bıýroǵa júktelgen mindetterge sáıkes onyń qyzmetin uıymdastyrady jáne jalpy basshylyqty júzege asyrady; 2) jalpy shtat sanynyń sheńberinde Ulttyq bıýronyń jáne onyń aýmaqtyq organdarynyń qurylymy boıynsha usynystardy mınıstrlikke qaraýǵa engizedi; 3) taǵaıyndalýy men qyzmetten bosatylýy Qazaqstan Respýblıkasynyń zańnamasymen onyń quzyretine jatqyzylatyn Ulttyq bıýronyń qyzmetkerlerin (jumyskerlerin) qyzmetke taǵaıyndaıdy jáne qyzmetten bosatady; 4) óziniń orynbasarlarynyń, Ulttyq bıýronyń jáne aýmaqtyq organdary qyzmetkerleriniń (jumyskerleriniń) ókilettikterin anyqtaıdy; 5) Ulttyq bıýronyń aýmaqtyq organdary týraly erejeni bekitedi; 6) zańnamada belgilengen tártippen Ulttyq bıýro Tóraǵasynyń orynbasarlaryn jáne Ulttyq bıýronyń jáne onyń aýmaqtyq bólimsheleriniń qyzmetkerlerin (jumyskerlerin) issaparǵa jiberý, eńbek demalysyn berý, materıaldyq kómek kórsetý, daıarlaý (qaıta daıarlaý), biliktiligin arttyrý, kótermeleý máselelerin sheshedi; 7) Qazaqstan Respýblıkasynyń zańnamasynda belgilengen tártippen Ulttyq bıýronyń jáne onyń aýmaqtyq organdarynyń qyzmetkerlerine (jumyskerlerine) qatysty tártiptik jaýaptylyq sharalaryn qoldanady; 8) Qazaqstan Respýblıkasynyń zańnamasynda belgilengen tártippen Ulttyq bıýronyń jáne onyń aýmaqtyq organdarynyń qyzmetkerlerine biliktilik synyptaryn beredi; 9) Qazaqstan Respýblıkasynyń mindetti arnaıy tekserýden ótken azamattaryn Ulttyq bıýronyń kadr quramyna qabyldaıdy; 10) adamnyń jáne azamattyń quqyqtary men bostandyqtaryn qozǵaıtyn normatıvtik quqyqtyq aktilerdi qospaǵanda, Ulttyq bıýronyń quzyretine kiretin máseleler boıynsha jáne mınıstirliktiń aktilerinde olardy bekitý boıynsha tikeleı quzyretter bolǵan jaǵdaıda normatıvtik quqyqtyq aktilerdi bekitedi; 11) óz quzyreti sheginde buıryqtar, Ulttyq bıýro jáne onyń aýmaqtyq organdarynyń qyzmetkerleri (jumyskerleri) oryndaý úshin mindetti buıryqtar shyǵarady jáne nusqaý beredi; 12) Ulttyq bıýronyń jáne onyń aýmaqtyq organdarynyń qyzmetkerlerin (jumyskerlerin) memlekettik nagradalarmen marapattaý týraly usynystardy mınıstrlikke engizedi; 13) zańnamaǵa sáıkes memlekettik organdarmen jáne ózge de uıymdarmen qarym-qatynastarda Ulttyq bıýrony bildiredi; 14) Ulttyq bıýronyń zań bólimshesine jetekshilik etedi; 15) О́z quzyretine kiretin ózge de máseleler boıynsha sheshimder qabyldaıdy. Ulttyq bıýronyń Tóraǵasy bolmaǵan kezeńde onyń mindetterin Tóraǵanyń tapsyrmasy boıynsha onyń orynbasarlarynyń biri júzege asyrady. 21. Ulttyq bıýronyń Tóraǵasy Ulttyq bıýronyń janynda konsýltatıvti-keńesshi organ qurýǵa quqyǵy bar. 4. Ulttyq bıýronyń múlki 22.Ulttyq bıýronyń Qazaqstan Respýblıkasynyń zańnamasynda kózdelgen jaǵdaılarda jedel basqarý quqyǵynda oqshaýlanǵan múlki bolady. Ulttyq bıýronyń múlki, onyń menshigine berilgen, sondaı-aq Qazaqstan Respýblıkasynyń zańnamasymen tyıym salynbaǵan ózge de kózderden jáne menshiktik qyzmetter nátıjesinde alynǵan múlikter esebinen (aqsha kiristerin qosa alǵanda) quralady. 23. Ulttyq bıýronyń ózine bekitilgen múlik respýblıka menshigine jatady. 24. Ulttyq bıýronyń ózine bekitilgen múlikti jáne qarjylandyrý jospary boıynsha berilgen quraldar esebinen alynǵan múlikti Qazaqstan Respýblıkasynyń zańnamasynda eger ózgeshe belgilenbese óz betinshe ıelikten shyǵarýǵa nemese ózgeleı tásilmen ıelik etýge quqyǵy joq. 5. Ulttyq bıýrony qaıta uıymdastyrý jáne taratý 25. Ulttyq bıýrony qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady. Buıryq Qazaqstan Respýblıkasynyń Ádilet mınıstrliginde 2016 jylǵy 11 qańtarda Normatıvtik quqyqtyq kesimderdi memlekettik tirkeýdiń tizilimine №12838 bolyp engizildi.