Foto: Aqorda
«Shyn máninde, búgin – Jer kúni. Osy oraıda planetamyzdy qorǵaýǵa jaýapkershilikpen qaraıtynymyzdy taǵy da bir málimdeý úshin bas qosyp otyrmyz. Ornyqty damý úshin ortaq kózqaras qalyptastyrý – ózekti ári asa mańyzdy. Muny óńir elderi tereń túsinedi», dedi Memleket basshysy.
Memleket basshysy óz sózinde ekologııa tek klımat máselesimen shektelmeıtinin atap ótip, ony adamnyń ishki úılesimimen jáne qoǵamnyń turaqtylyǵymen baılanystyrdy.
«Qazirgi ekologııa tek klımat máselesimen shektelmeıdi. Bul – adamzat tirshiliginiń túp negizi. Iаǵnı áńgime taza aýa men sapaly sýǵa, búlinbegen topyraq pen senimdi azyq-túlik júıesine, qoǵamnyń turaqtylyǵyna jáne urpaqtyń keleshegine qatysty bolyp otyr. Jalpy aqyl-oıdyń tunyqtyǵy, qoǵamdaǵy úılesim men adamı baqyt ta osyǵan saıady. Al ekologııa degenimiz – Jer betindegi tirshilikke jaýapkershilikpen qaraıtyn sanaly ómir salty. Sondyqtan búgingi sammıt der kezinde uıymdastyrylyp otyr», dedi Qasym-Jomart Toqaev.
