Memleket basshysy bolshaǵymyz tirshilik nárin qanshalyqty tıimdi ári ádil paıdalana bilýge tikeleı baılanysty ekendigin atap ótip, Aral mysalyn alǵa tartty.
Memleket basshysy aımaqtyq sıfrlyq ekojúıe qurý bastamasyn qoldady
«Sý qaýipsizdigi – Qazaqstan ǵana emes, búkil Ortalyq Azııa úshin asa mańyzdy másele. Bolashaǵymyz tirshilik nárin qanshalyqty utymdy ári ádil paıdalana alatynymyzǵa baılanysty. Aral teńizi salǵyrttyqtyń saldary qandaı qasiretke ákelip soǵatynyn eske salyp turady. Sondaı-aq ol batyl ári ǵylymı negizi bar júıeli sharalardyń arqasynda qandaı nátıjege jetýge bolatynyn kórsetedi. Búgingi tańda Soltústik Araldyń 36 paıyzǵa jýyǵy qaıta qalpyna keltirildi. Sýdyń sapasy jaqsaryp, balyq qory molaıdy, mańaıdaǵy eldi mekenderdiń turmys-tirshiligine qan júgirdi. Búgin Halyqaralyq Araldy qutqarý qorynyń joǵary deńgeıdegi kezekti otyrysyn ótkizemiz. Jıyn barysynda áriptesterimizben birge Qazaqstannyń osy uıymǵa úsh jyldyq tóraǵalyǵyn qorytyndylaımyz», dedi Qasym-Jomart Toqaev.
Qalaýyńa qaraı tapsyryspen aldyratyn jeńsik as emes: Memleket basshysy BUU Jarǵysy týraly
Prezıdent talqylaýlardyń nátıjeli bolyp, birlesken naqty bastamalarǵa negiz bolatynyna senim bildirdi. Onyń aıtýynsha, mundaı qadamdar halyqtardyń ıgiligine qyzmet etetin turaqty ári baıandy bolashaq qurýǵa múmkindik beredi.
