О́z úıiń bolǵanǵa ne jetsin!

Bıyl «Qazaqstannyń turǵyn úı qurylys jınaq banki» AQ Dırektorlar keńesi «О́z úıim» dep atalatyn biregeı baǵdarlamany bekitti. Onyń mánisi mynada – endi Banktiń salymshylary qoljetimdi baǵa boıynsha bas­pana satyp alýǵa balamaly múmkindikke ıe bolady. Bank qazirdiń ózinde Astana­daǵy «Jaǵalaý-4» turǵyn úı keshenindegi áleýmettik páterlerge satyp alýshylardan pýl jınaı bastady. Sol jaǵalaýdaǵy «Han Shatyr» oıyn-saýyq ortalyǵyna taıaý jerde ornalasqan keshenniń birinshi kezegi qurylysyn aıaq­taý ústimizdegi jyldyń ekinshi toqsanyna josparlanǵan. Sony­men 462 páterdi Turǵyn úı qurylys jınaq bankiniń klıentteri 1 shar­shy metr úshin ulttyq valıýtada tirkelgen baǵa – 185 myń teńgemen satyp alady. «О́z úıim» baǵdarlamasy sheńberinde 2022 jylǵa deıin barlyǵy 1,5 mln. sharshy metr turǵyn úı salý jos­parlanýda. Elimizdiń halqyn qoljetimdi baspanamen qamtamasyz etý jó­nindegi jańa baǵdarlamanyń jaı-japsaryn «Qazaqstannyń turǵyn úı qurylys jınaq banki» AQ Basqarma tóraǵasynyń orynbasary Qaırat Altynbekov bylaısha túsindiredi. – О́zińiz biletindeı, Turǵyn úı qurylys jınaq banki turǵyn úı qurylysyna qarjy jınaqtaý naryǵyndaǵy jalǵyz operator bolyp tabylady, – deıdi Qaırat Altynbekov. – Bul biregeı júıe. Biz  germandyq úlgini júzege asyrdyq, ol boıynsha klıentterimiz aldymen qarjy jınaqtap, sodan keıin turǵyn úı satyp alý úshin óte tómengi paıyzdyq mól­sherlemelermen uzaq merzimdi nesıe alýlaryna bolady. Sondaı-aq, bizge adamdar tek qana depozıtke aqsha salýǵa kelmeıtindigin de jaqsy túsinemiz. Olar óz­de­riniń turǵyn úı jaǵdaılaryn jaqsartý maqsatynda jıǵan-ter­genderin salatyny da ras. Bul oraıda «Bizben birge bolsańyz, baspanaǵa qol jetkizesiz» degen sózdi tekten tekke aıtpaımyz. О́ıtkeni, bizdiń bank О́ńirlerdi damytýdyń 2020 jylǵa deıin Memlekettik baǵdarlamasynyń, «Nurly Jol» jáne basqa da mem­­lekettik bastamalardyń ne­gizgi operatory bolyp sana­lady. Atalǵan sharalardyń nátı­jesinde búkil el aýmaǵynda áleý­mettik turǵyn úı salyný ústinde. Ol baǵdarlamalar boıynsha basymdyq kezekte turǵandarǵa beriledi. Sonymen birge, bul mem­lekettik resýrstardyń sura­nysty tolyq qanaǵattandyra almaı otyrǵandyǵyn da atap aıtqan jón. Turǵyn úı qurylys jınaq banki taldap jasaǵan baǵdarlama ekinshi deńgeıdegi bankterge ýaǵ­daly depozıtterdi ornalastyrý arqyly, qurylys kompanııalarymen memlekettik-jekemenshik áriptestik jáne jergilikti at­qarýshy organdar – qalalar men óńirlik ortalyqtardyń ákim­dikterimen ýaǵdalastyq sheń­berinde úsh baǵyttaǵy jumysty atqarmaq. – Biz kelisimge qol qoıamyz, soǵan sáıkes ákimdik jer telim­derin bólip, qurylys salýshyny anyqtaıdy. Qurylys jumystary aıaqtalǵannan keıin turǵyn úı bankke tapsyrylady. Al bank óz kezeginde ony salymshylar arasynda bóledi, – deıdi «Qazaqstannyń turǵyn úı qurylys jınaq banki» AQ Basqarma tóraǵasynyń orynbasary. – Al qarjylandyrý máse­lesine keletin bolsaq, ony jergilikti atqarýshy organ ózge de resýrstardyń, onyń ishinde bizdiń banktiń shoty esebinen júzege asyra alady. Osy mehanızm aıasynda bizdiń Qyzylorda oblysynda iske asyratyn alǵashqy jobamyz da bar. Onda qazirgi kezde qurylys jumysy belsendi júrgizilýde. Qarjylan­dyrý máselesin jer­gilikti ákimdik sheshti. Ekinshi deńgeıdegi banktermen ózara áreket etýge keletin bol­saq, bul jaǵdaıda Turǵyn úı qurylys jınaq banki jyldyq 3 paıyz ústememen operator retinde óz qarjysyn jáne salymshylardyń qarajatyn ornalastyrýǵa nıet tanytyp otyr. Iаǵnı ekinshi deń­geıdegi bankterdiń naqty ári jetkilikti qarajatynyń arqa­synda qurylys salýshylardy nesıeleý ústemesi jyldyq 7 paıyzdan aspaıtyn bolady. Árıne bul bıznes úshin de tıimdi ekendigi aıtpasa da túsinikti. – Ekinshi deńgeıdegi bank­terdiń klıentteri qatarynda qurylys kompanııalary bar, – deıdi Qaı­rat Altynbekov. – Olar uzaq jyl­­dar boıy senimdi qyzmet kórsetip júrgen óz bankine ótinish jasaýlary qajet. Ol bank óz kezeginde bizben kelisim jasap, resýrstar alady. Sóıtip, ony qurylysshylarǵa beredi. Atap aıtqanda, osy baǵytta Astana qala­syndaǵy klıenterimizge «Jaǵalaý-4» turǵyn úı kesheninde bir sharshy metri úshin 185 myń teńgeden aspaıtyn baǵa boıynsha páterler usynamyz. Memlekettik-jekemenshik se­­­rik­­testik aıasyndaǵy ynty­maq­tastyq ózge sheshim jasaýdy da oılastyrady. Onyń aıasynda qurylys salýshy qaı jerde turǵyn úı turǵyzýdy ózi anyqtaıdy. Osylaısha qurylys kompanııasynyń qarjysymen barlyq jumystar júrgiziledi. Osy arada, eger Turǵyn úı qurylys jınaq banki páterlerdi 100 paıyz satyp alýdy qamtamasyz etetin bolsa, onda eshqandaı túıtkil týyndamaıtyndyǵyn eskergen jón. Bul jaǵdaıda qurylys salýshy kompanııa jarnamaǵa jáne turǵyn úı alańdaryn satýǵa ketetin artyq shyǵyndardan bosatylady. Eń bastysy, qu­ry­lysty júrgizý kezinde memleket qarjysynyń bir tıyny da jumsalmaıtyndyǵyn atap aıtqan jón. Marat AQQUL, «Egemen Qazaqstan»