«Daranyń» dárýi

О́skemende múmkindigi shekteýli balalarǵa keshendi kómek kórsetiledi О́skemende múmkindigi shekteýli balalarǵa arnalǵan ortalyq ashyldy. Halyqaralyq balalardy qorǵaý kúnine oraı tusaýy kesilgen bul nysan – Shyǵys Qazaqstan óńirindegi on ekinshi psıhologııalyq-pedagogıkalyq korreksııalaý ortalyǵy bolyp otyr. Oblys ákimdigi jáne «Samruk-KazynaTrust» áleýmettik jobalardy damytý qorynyń qoldaýymen «Dara» qaıyrymdylyq qory arasyndaǵy memorandým sheńberinde ortalyqqa jóndeý júrgizilip, kabınetter tolyǵymen jaraqtandyryldy jáne mamandar daıarlandy. О́skemen qalasynda tuńǵysh ret ashylǵan aýqymdy psıhologııalyq-pedagogıkalyq túzetý ortalyǵy «Dara» qorynyń «Bárimiz birdeımiz!» respýblıkalyq jobasy sheńberindegi jeke bastamasy ekenin aıtqan abzal. Kembaǵal balalarǵa kedergisiz orta qurý jáne ony qajetti jabdyqtarmen jaraqtandyrýǵa joba aıasynda 20 mıllıon teńgege jýyq qarjy bólingen. Qaladaǵy №46 orta mekteptiń janynan qurylǵan korreksııa­laý ortalyǵynda múmkindigi shekteýli balalar men olardyń ata-analary defektolog, psıho­log, logoped, fızıoterapevt, massaj, tıflopedagog syndy mamandardyń kásibı kómegin ala alady. Atalǵan ortalyq jylyna fızıkalyq damýynda túrli kedergiler kezdesken 300-ge jýyq balaǵa turǵynjaılary boıynsha túrli qyzmet túrlerin tegin kórsetpek. – Balalar – bizdiń qýa­ny­shymyz, bolashaǵymyz. Bul – kásipkerlerdi ǵana emes, barsha qazaqstandyq qoǵamdy meıirim­dilikke úndegen shara bolyp otyr. Shyǵysqazaqstandyq balalarǵa osyndaı keremet syı jasaǵan jandarǵa aıryqsha alǵys aıtamyn. Qaıyrymdylyqty kózdegen jarqyn sharalar kóp bolǵan sa­ıyn, bizdiń júregimizge de jylylyq molynan uıalaı túsedi. Balalarǵa qýanysh syılap, ómirimizde shattyq kóbeıedi, – dedi ortalyq qyzmetimen tanysqan oblys ákimi Danıal Ahmetov. «Dara» qorynyń quryltaı­shy­sy Gúlnár Dosaeva osyndaı kabınetterdiń Astana, Almaty, Aqtóbe, Qostanaı, Taraz jáne Mań­ǵys­taýda paıdalanýǵa berilge­nin, keleshekte barlyq oblys ortalyqtarynda ashýdy josparlap otyrǵanyn aıtyp, balalar men ata-analardy jańa nysannyń ashylýymen quttyqtady. Qazirgi kezde óńirde 700-ge jýyq múmkindigi shekteýli bala­ǵa qyzmet kórsetetin 11 psıho­logııalyq-pedagogıkalyq korreksııalaý ortalyǵy jumys isteıdi. Onda múgedek balalarǵa keshendi kómek kórsetilip, psıhologııalyq-pedagogıkalyq túzetý jáne ońaltý jumystary júrgiziledi, ata-analarǵa keńes beriledi. Oblys ortalyǵynda 4 myńnan astam múmkindigi shekteýli bala turady. Olardyń qoǵamǵa sátimen beıimdelýi jáne sapaly bilim alýyna jaǵdaı jasaý, kedergisiz orta qurý úshin О́skemende erekshe balalarǵa arnalǵan 100 oryndyq ınternat salynyp jatqanyn aıta ketken lázim. Dýman ANASh, «Egemen Qazaqstan» О́SKEMEN