Iri boks-ıvent ótkizilmek

«Astana EKSPO-2017» UK» aksıonerlik qoǵamynyń basqarma tóraǵasy Ahmetjan Esimov bokstan álem chempıony, Qazaqstan Respýblıkasy eńbek sińirgen sport sheberi Gennadıı Golovkınmen kezdesti. Ulttyq kompanııa basshysy EKSPO-2017 kórmesin ilgeriletý ba­ǵytynda atqaryp jatqan jumy­sy úshin sportshyǵa alǵys bildirdi. «Bizdiń kompanııa sizdiń tamasha sporttyq jetistikterińizdi zor yntyzarlyqpen qadaǵalap otyrady. Birinshiden, biz, barlyq qazaqstandyqtar sııaqty ózińizdi elimizdiń maqtanyshy sanaımyz. Ekinshiden, kórmeni álemge tanytý bastamasyn moınyńyzǵa alǵanyńyzǵa sheksiz qýanyshtymyz», – dedi Ahmetjan Esimov. О́z kezeginde, Gennadıı Golovkın Kórme taqyrybynyń mańyzdylyǵyn jetkizý barysynda barlyq kúsh-jigerin salatyndyǵyn aıtty. «Men úshin EKSPO-2017-niń resmı elshisi bolý ári táýelsiz Qazaqstan tarıhyndaǵy eń bir aýqymdy jobalardyń birin tanystyrý – úlken mártebe», – dedi G.Golovkın. Kezdesý barysynda halyqaralyq dárejedegi sport sheberimen Qazaqstanda iri boks-ıventti ótkizýdi ári bul sporttyq sharany «Astana EKSPO-2017»-ge oraılastyrý máselesi talqylandy.