Ońtaıly sheshimder – ýaqyt pen qarjy únemdeýdiń tıimdi tetigi

Keshe «Qazmedıa ortalyǵy» ǵımaratynda Ádilet mınıstri Berik Imashev beınekonferensııa baılanysy rejiminde halyq aldynda esep berdi. Mınıstrmen bolǵan eseptik kezdesýge, ádilet organdarynyń ardagerleri, qala turǵyndary men kásipkerler ókilderi kelip qatysyp, vedomstvonyń buǵan deıingi atqarǵan jumystary men aldaǵy josparlary týraly jan-jaqty maǵlumattar ala aldy. Beınekonferensııa onlaın reji­minde elimizdiń on bes óńirimen qosyl­ǵandyǵyn aıta ketken jón. Tipti, birazdan beri mınıstrlik saıtyn­da arnaıy aıdar ashylyp, turǵyn­dar suraqtary jınaqtalǵan-dy. Al eseptik kezdesýdi aldymen azamat­tyq baıqaýshy ınstıtýt atynan Ádilet organdary qyzmeti máseleleri jónin­degi qoǵamdyq keńes tóraǵasy O.Ju­ma­bekov qysqasha sóz sóılep ashty. Memleket basshysynyń basta­ma­symen qurylǵan qoǵamdyq keńes ınstıtýty azamattyq sektor­dyń múddelerin qorǵaýda mańyz­dy ról atqarady. Sonymen qatar, mem­le­kettik basqarýda jáne qazaqstan­dyq­tardyń ómir súrý sapasyn jaq­sar­týda ózindik oryn alady. Qoǵamdyq keńes janynan komıssııalar quryldy. Olardyń otyrystarynda mınıstrlik jumysynyń negizgi baǵyttary bo­ıynsha máseleler qaralatyn bolady, dedi Ońalsyn Islamuly. Ádilet mınıstri Berik Imashevke  baıandama jasamas buryn eseptik kezdesýge qatysýshylardy Aqtóbede erlikpen qaza tapqandardyń rýhyna taǵzym etýge shaqyryp, bir mınýttyq únsizdik sharasyn ótkizýdi surady. Bir mınýttyq únsizdikten keıin sóz órbitken mınıstr óz vedomstvosynyń memlekettik ortalyq organdar tarapynan ázirlenetin normatıvtik-quqyqtyq aktilerge, sondaı-aq, halyqaralyq kelisimder men halyq­ara­lyq uıymdar aktilerine zańdyq saraptama júrgizetindigin aıtty. Bul rette, mınıstrlik memlekettik orta­lyq organdardyń, jergilikti atqarýshy jáne ókiletti organdardyń nor­matıvtik-quqyqtyq aktilerin mem­le­kettik tirkeýge alatyny erekshe ataldy. Mınıstr 2015 jyly halyqaralyq kelisimder men normatıvtik-quqyq­tyq aktilerdiń 711 jobasy engizil­gendigine nazar aýdartty. Onyń kel­tirgen málimetine qaraǵanda, qazaq­standyq sharttyq baza 3683 halyq­aralyq kelisimderdi qamtyǵan. Sondaı-aq, joǵary zań shyǵarýshy organ ra­tıfıkasııalaǵan 1190 kelisim erek­she basymdyqqa ıe. Bizge zań­gerlik saraptamaǵa jyl saıyn 70 zań jobasy, 2 myńǵa jýyq Prezıdent pen Úkimet aktileriniń jobalary, sondaı-aq, 10 myńnan astam ortalyq jáne jergilikti organdardyń nor­ma­tıvtik-qu­qyqtyq aktileri kelip tú­sedi, dedi Berik Májıtuly. B.Imashev, sonymen qatar, ózi basshylyq jasaıtyn mınıstrlik quzyryna 50-den astam memlekettik qyzmet bekitilgendigimen de bólisti. Ádilet mınıstrligine memlekettik qyz­mettiń 53 túri bekitilgen, onyń ishin­de mınıstrlik tarapynan tike­leı 40 qyzmet túri kórsetiledi, 9-y jergilikti atqarý organdary  já­ne 4 qyzmet «Úkimet azamattar úshin» memlekettik korporasııa­sy arqyly atqarylýda, dedi ádilet mınıstri. Onyń aıtýynsha, ótken jylǵy zańnamalyq ózgerister zańdy tul­ǵalardy qaǵazdan elektrondy pi­shim­ge aýystyrý arqyly tirkeýdi 1 sa­ǵatqa qysqartýǵa múmkindik bergen. Bul óz kezeginde kommersııalyq uıym­­dardyń tirkelýin 18 paıyzǵa ul­ǵaı­typty. Mınıstrdiń sózinen belgi­li bol­ǵandaı, 2014 jylmen salys­tyr­ǵanda elektrondyq tirkeý 4 esege deıin ósken. Jáne de mınıstrlikti qurylymdyq jaǵynan 60 paıyzǵa deıin ózgertý 41 mıllıon teńgeniń únemdelýine múmkindik bergen. Atap aıtqanda, komıtetterdiń 3 tóraǵasy men 7 orynbasarynyń qyzmeti alynyp tastalypty. Budan basqa, sot aktilerin oryndaý departamentiniń 16 basshysynyń qyzmeti, sol sııaqty Astana jáne Almaty qalalary men oblystardaǵy Jyljymaıtyn múlikti tirkeý ortalyqtarynyń 16 dırektory qysqarǵan. Eýrazııalyq ekonomıkalyq odaq­qa qatysty sózinde B.Imashev ha­lyqaralyq kelisimder men Eýrazııa­lyq ekonomıkalyq komıssııa tarapynan sheshimder shyǵarylmas buryn mınıstrlik olardyń Qazaqstan Kons­tıtýsııasy men EAEO týraly kelisimge sáıkestigi týraly zańdyq saraptamadan ótkiziletindigine nazar aýdartty. Jalpy, EAEO jumys istegeli 2176 zańdyq joba saraptamadan ótkizilipti. Qoryta aıtqanda, strategııalyq jospardyń 2015 jyly belgilengen barlyq maqsat-mindetteriniń 90,8 paıyzy oryndalǵany belgili boldy. Kezdesýge qatysýshylar atqarýshylyq is júrgizý jáne quqyqtyq qyzmet kórsetý máselelerine qyzyǵýshylyq tanytty. Jáne de zaldaǵy ǵana emes, elimizdiń ózge óńirlerinen baıla­nysqa shyqqandar suraqtaryna da jan-jaqty jaýaptar berildi. Asqar TURAPBAIULY, «Egemen Qazaqstan»