Sapar mańyzy atalǵan kezdesý

Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Qytaı Kommýnıstik partııasy Ortalyq komıteti Syrtqy baılanystar bóliminiń meńgerýshisi Sýn Taomen kezdesti, dep habarlady Senattyń baspasóz qyzmeti. Eki el qatynastaryn damy­týǵa arnalǵan QPK delegasııasy saparynyń zor mańyzyn atap óte kelip, joǵarǵy palatanyń basshysy júzdesýshini Qazaqstannyń áleýmettik-ekonomıkalyq damýy jáne elimizdiń saıası júıesindegi Senattyń róli týraly habardar etti. Taraptar eki memleket basshy­lary­nyń kúsh-jigeri arqasynda qol jetken ózara senim men yntymaqtastyqtyń qalyptasqan joǵary deńgeıine qatysty ortaq pikir bildirdi. О́zara saıası qoldaý kórsetý, iskerlik áriptestikti, eki jaqtyń ulttyq múddelerine sáıkes jastar arasyndaǵy jáne mádenı almasýlardy ilgeriletý jónindegi kúsh-jigerdi óristetýge ázirligi atap ótildi. Q.Toqaev depýtattardyń delegasııalary arqyly parlament­ara­lyq yntymaqtastyqty, sondaı-aq, parlamentter komı­tetteriniń tóraǵalary deńgeıin­degi baılanystardy óristetýdiń mańyz­dylyǵyn atap ótti. Áńgime sońynda Senat Tór­aǵasy Aqtóbedegi terrorlyq ak­tiniń qurbandaryna kóńil aıtý men terrorızmmen kúrestegi Qazaqstannyń kúsh-jigerin qol­daý sózderine oraı Qytaı dele­gasııasynyń basshysyna alǵys bildirdi.