Kóńil aıtý jedelhattary keldi

Memleket basshysy Nursultan Nazarbaev­tyń atyna Belarýs Respýb­lıka­synyń Pre­zıdenti Aleksandr Lýkashenkodan kóńil aıtý jedelhaty kelip tústi, dep habarlady Qazaq­stan Respýblıkasy Prezıdentiniń baspasóz qyzmeti. Jedelhatta Belarýs eliniń Aqtóbedegi áskerı qyzmetshiler men beıbit turǵyndardy qazaǵa ushyratqan terrorıstik akt týraly habardy zor kúızelispen qabyldaǵany atalyp ótken. «Belarýs terrorızmniń kez kelgen kórinisine ymy­rasyz qarsy turý isinde dostas Qazaqstanmen árkez yn­tymaqtastyqta bolady», – delingen jedelhatta. A.Lýkashenko Qazaqstan Prezıdentine, qaza bolǵandardyń otbasy men jaqyndaryna shyn nıetpen kóńil aıtyp, zardap shekkenderdiń tezirek saýyǵyp ketýine tilektestigin bildirdi. *** Elbasy Nursultan Nazarbaevtyń atyna Tatarstan Respýblıkasynyń Prezıdenti Rýs­tam Mınnıhanovtan kóńil aıtý jedelhaty kelip tústi, dep habarlady Qazaqstan Res­pýb­lıkasy Prezıdentiniń baspasóz qyzmeti. R.Mınnıhanov Nursultan Nazarbaevqa Aqtóbede bolǵan qaıǵyly oqıǵalarǵa baılanysty shyn nıetpen kóńil aıtty. «Adamdardy qazaǵa ushyratqan qatygez ekstre­mıstik shabýyl bizdiń zyǵyrdanymyzdy qaı­natty. Qylmyskerler tabylyp, zańdy jazasyn alady dep senemiz. Qaza bolǵandardyń jaqyn­daryna qaıǵysyna ortaqtasyp, shyn nıetpen qoldaı­ty­nymyzdy, aıaýsyz qylmys kezinde zardap shekken­derdiń báriniń tezirek saýyǵyp ketýine tilektes­tigimizdi  jetkizýdi ótinemiz», – delingen jedelhatta.