«Qaırat» fýtbol komandasy syrt alańda bes gol soqty

Búgin fýtboldan Qazaqstan premer-lıgasy 15-týrynyń oıyndary oınaldy. «Shahter» (Qaraǵandy) – «Qaırat» (Almaty) 0:5 Goldar: Isael Barboza 35, Jerar Goý 47, Aslan Darabaev 58, Baýyrjan Islamhan 90 (penaltı), 92. «Qaırat» syrt alańda «Shahter» komandasyna bes birdeı gol soǵyp, kezekti úsh upaıyna qol jetkizdi. Matchtyń 35-mınýtynda brazılııalyq jartylaı qorǵaýshy Isael Barboza esep basyn ashsa, ótken maýsymnyń úzdik bombardıri atanǵan Jerar Goý 47-mınýtta mergendigimen kózge tústi. Al 58-mınýtta Aslan Darabaev oıyndaǵy úshinshi goldy soǵa bildi. Komanda kapıtany Baýyrjan Islamhan sońǵy eki mınýtta eki doptyń ıesi atandy. Ol birinshi golyn penaltıden soqsa, ekinshisin negizgi ýaqytqa qosymsha berilgen mınýttarda toǵytty. «Astana» (Astana) – «Jetisý» (Taldyqorǵan) 1:0 Gol: Tańat Nóserbaev 45. «Ordabasy» (Shymkent) – «Ertis» (Pavlodar) 2:0 Goldar: Azat Nurǵalıev 27, 59 (penaltı). «Aqjaıyq» (Oral) – «Taraz» (Taraz) 2:1 Goldar: Freddı Haver Koronel Ortız 16 (penaltı), 54 – Aleksandr Alıev 75. «Atyraý» (Atyraý) – «Oqjetpes» (Kókshetaý) 2:1 Goldar: Pavel Shabalın 28, Pshemyslav Trytko 53 – Serj Srepın Nganbe Bando 47. «Aqtóbe» (Aqtóbe) – «Tobyl» (Qostanaı) 0:1 Gol: Sergeı Iаvorskıı 68.

15-týr qorytyndysy boıynsha týrnır kestesi

Úzdik surmergender:

1. Jerar Goý («Qaırat») – 9 gol;
2. Roman Murtazaev («Ertis») – 8 gol;
3. Baýyrjan Islamhan («Qaırat») – 7 gol;

17-týr oıyndary 15-maýsym kúni oınalady. Bul týrdaǵy qarsylastar reti tómendegideı: «Aqjaıyq» – «Atyraý» «Ertis» – «Aqtóbe» «Qaırat» – «Ordabasy» «Oqjetpes» – «Shahter» «Taraz» – «Jetisý» «Tobyl» – «Astana» Aıan Ábdýálı. Derek: egemen.kz. Foto: vk.com.