Avstrııadaǵy Adolftyń úıi súrilýi múmkin

Qazirgi tańda Avstrııanyń ishki ister mınıstri Volf­gang Sobotka Adolf Gıtler týǵan úıdiń súrilý jobasyna qatysty naqtylaý jumystaryn júrgizýde. Buǵan deıin osy eldiń ishki ister mınıstrligi atalǵan úıdi satý jóninde sheshim qabyldap, jarnamalaǵanymen, Gıtlerden qalǵan jádigerdi satyp alatyn eshkim tabylmaǵan. – Meniń kózqarasym boıynsha, eń durysy, bul úıdi buzý kerek, – deıdi mınıstr Sobotka. Degenmen, jergilikti bılik tarıhı baspananyń kózin joıýǵa qulyqsyzdyq tanytyp otyr. Olar áli de bolsa, satyp alýshy tabylyp qalar degen úmitte. Úsh ǵasyrdyń kýási bolǵan úsh qabatty turǵyn úı Avstrııanyń Braýnaý-em-Inn qalasynda qo­nys tepken. Munda 1889 jyly bola­shaq ultshyl-dıktator Adolf Gıtler týǵan. Aıta keteıik, ishki ister mı­nıs­trligi 1972 jyldan beri bul úıdi jalǵa berýmen aınalysyp keledi. Osy aralyqta ǵımarat qalalyq kitaphanaǵa da, mektepke de aınalyp, qarjy tabýdyń bir kózi boldy. Keıin jalǵa alýshy­lardyń baǵyty ózgerip, atalǵan úı analar ortalyǵyna aınaldy. Al 2011 jyldan beri bul qonysjaı qojaıynsyz qaldy. Mınıstrdiń aıtýynsha, ǵımarattyń 1 aıdaǵy jalǵa berý quny 4 myń 800 eýrony quraıdy. Talǵat RAIYMBEK, «Egemen Qazaqstan»