Jańa preparat

otandyq farmasevtıkaǵa sony serpin ákeledi Qaraǵandylyq ǵalymdar taǵy bir biregeı dári oılap tap­ty. «Sıtofat» dep atalatyn preparat qazir Nazarbaev Ýnı­versıtettiń medısınalyq or­talyǵynda klınıkalyq synaq­tan ótkizilýde. Jańa dárini jasap shyǵarýdy aldymen qolǵa alǵan – belgili ǵalym, hımııa ǵylymdarynyń doktory, akademık, Memlekettik syılyqtyń laýreaty, Qaraǵandy memlekettik tehnıkalyq ýnıver­sıtetiniń rektory Arystan Ǵazalıev. Arystan Máýlenuly pre­paratty jasap shyǵarý jo­lyndaǵy jumystaryn, tipti, osydan shırek ǵasyrdaı buryn, UǴA Organıkalyq sıntez já­ne kómir hımııasy ınstıtýty dırektorynyń orynbasary qyzmetin atqaryp júr­gen shaǵynda bastaǵan eken. Qyzmeti aýyssa da maqsatynan tanbaǵan ǵalym bul jumysqa QarMTÝ janyndaǵy ǵylymı-zertteý ınstıtýtynyń hımık ǵalymdaryn, magıstranttary men stýdentterin de tartqan. Ǵalymdardyń aıtýynsha, jańa preparat otandyq far­masevtıka salasyna sony serpin berýi tıis. «Sıtofat» búgingi qoǵamda áleýmettik dert­ke aınalǵan baýyr aýrýlaryn emdeıdi. Onyń ústine, baǵasy da qarapaıym halyq úshin qymbat bolmaıdy. О́ıtkeni, dári Qazaqstannyń ońtústik óńirlerinde ósetin ósimdik – termopsısten jasalady eken. Klınıkalyq synaqtar bir­neshe aıǵa sozylýy múmkin. Sebebi, qansha degenmen, kúni erteń adam aǵzasyna sińiriletin zat bolǵandyqtan, ony jan-jaqty tekserýden ótkizý áb­den kerek. Sátin salyp, oń ná­tıje berip jatsa, dárihana sóre­lerindegi ımport dárilerdiń birazyn osy qaraǵandylyq preparat yǵystyrýy ǵajap emes. Qaırat ÁBILDINOV, «Egemen Qazaqstan» QARAǴANDY