Qazaqstan Respýblıkasy Úkimetiniń qaýlysy №335 

2016 jylǵy 7 maýsym, Astana, Úkimet Úıi Azamattyq avıasııa salasynda ekinshi sanattaǵy ruqsattardy berýge ýákiletti organdy aıqyndaý týraly «Ruqsattar jáne habarlamalar týraly» 2014 jylǵy 16 mamyrdaǵy Qazaqstan Respýblıkasynyń Zańy 10-babynyń 4) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qazaqstan Respýblıkasy Investısııalar jáne damý mınıstrliginiń Azamattyq avıasııa komıteti: 1) Qazaqstan Respýblıkasynyń halyqaralyq avıamarshrýttaryndaǵy sheteldik avıatasymaldaýshylardyń turaqty reısteriniń kestesin bekitý; 2) jolaýshylardy, bagajdy, júkter men poshta jóneltilimderin tasymaldaý boıynsha qyzmetter kórsetý úshin sýbsıdııalanatyn avıamarshrýttarǵa kýálikter berý; 3) jolaýshylardy, bagajdy, júkter men poshta jóneltilimderin tasymaldaý boıynsha qyzmetter kórsetý úshin halyqaralyq avıamarshrýttarǵa kýálikter berý; 4) avıakompanııalarǵa turaqty ishki kommersııalyq áýe tasymaldaryn oryndaýǵa ruqsat etý; 5) Qazaqstan Respýblıkasynyń aýmaǵynda óz qyzmetin júzege asyratyn sheteldik tasymaldaýshylardy tirkeý týraly kýálik berý; 6) halyqaralyq turaqty emes ushýdy oryndaýǵa ruqsat berý boıynsha ekinshi sanatty ruqsatty berýge ýákiletti organ bolyp aıqyndalsyn. 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV