Oqyǵan óńirde turaqtap qala ma?

Elbasy Nursultan Nazarbaevtyń «Máńgilik El jastary – ındýs­trııa­ǵa» atty memlekettik baǵdarlamasy aıasynda «Serpin-2050» áleýmettik jobasy Shoqan Ýálıhanov atyndaǵy Kókshetaý mem­lekettik ýnıversıtetinde tolyqqandy júzege asyrylý ústinde. «Máńgilik El» maq­sat­tarymen baılanystyrylǵan joba ońtústik oblystar jastarynyń elimiz­diń soltústik, batys jáne shyǵys aımaq­tarynda bilim alýyna múmkindik beredi. Jobanyń maqsaty – eńbek naryǵynda talap etile­tin maman­dyqtar boıynsha bilim keńis­tigin keńeıtýge, respýb­lıka­nyń soltústik jáne ortalyq óńir­lerinde ashylyp jatqan múm­kin­dikterdi eskere otyryp, ońtaıly kóshi-qon úderisin úılestirýge, stýdentterdiń tańdaǵan maman­dyq­taryna degen yntasyn ar­t­tyrýǵa jáne olardyń eńbek jáne jumyspen qamtý salasynda sharttar jasasýyna jol ashý. – Ýnıversıtetimizde «Ser­pin-2050» áleýmettik jobasyn qoldaý maqsatynda oqytýshylar ara­synda arnaıy shtab qurylǵan, – deıdi rektordyń tárbıe isi jónin­degi orynbasary Amanaı Seıit­q­asymov. – Onyń músheleri bes oblysqa bólinip, oqýǵa túsetin talapkerlermen naqty jumystar júrgizdi. Sonyń nátıjesinde búgin­gi kúni Sh.Ýálıhanov atyn­daǵy KMÝ-de byltyrǵy jylmen qosqanda «Serpin-2050» áleý­mettik jobasy boıynsha Oń­tús­tik Qazaqstan, Qyzylorda, Jam­­byl, Almaty, Mańǵystaý oblys­­tarynyń 515 talapkeri oqý ordamyzda pedagogıkalyq, teh­nıkalyq, aýylsharýashylyq mamandyqtary boıynsha bilim alýda. Bıyl 377 stýdent birinshi kýrsty oıdaǵydaı aıaqtady. Áńgime barysynda, ýnıversıtette «Serpin-2050» grant ıeger­­leriniń shtaby qurylyp, onyń tóraǵalyǵyna atalǵan joba túlegi, jaratylystaný ǵylym­dary fakýltetiniń 2-kýrs stý­denti Kerimbek Beksultannyń saı­lanǵanyn bildik. Bul ózin ózi basqarý qaǵıdattaryna qurylǵan óte jaqsy sheshim. О́ıtkeni, munyń astarynda kóptegen máseleler qarastyrylǵan. Máselen, bul kúni keshe mektep bitirip, týǵan elinen uzap shyqpaǵan balalardyń jarasymdy qaýymdastyǵyn, jergilikti túsinik-tanymdardyń jyldam qalyptasýyn qamtamasyz etetini anyq. Sonymen birge, «Serpin» shtabyna ýnıversıtettiń bas ǵımaratynan arnaıy kabınet bólinip, talapqa saı jabdyqtalǵany da quptarlyq. Bilim ordasynyń basshysy serpindiktermen jıi-jıi kezdesý ótkizip, emen-jarqyn áńgime órbıtini tárbıe táliminiń baıandylyǵyn baıqatady. Taǵy bir aıta keterligi, ýnıversıtet bas­shylyǵy byltyrǵy oqý jyly­­nyń basynda barlyq jataq­hanalarda turatyn 900 stýden­tke dastarqan jaıyp, dám bergenin qala jurt­shylyǵy jaq­sy dástúrdiń bas­tamasyndaı qabyldaǵany esimizde. Qazirgi ýaqytta bul shtabtyń músheleri ýnıversıtettiń qoǵam­dyq jumystaryn úılestirýge sep­tesýde. Búgingi kúni barlyq grant ıegerleri jataqhanamen qam­ta­masyz etilip, olarǵa qajetti tur­mystyq jaǵdaılar jasalǵan. Bilim ordasynda án-bı, dombyra, shahmat, jas talanttar, kór­­kem­ónerpazdar úıirmeleri, «Jaýqazyn» teatry jumys isteıdi. Sonymen birge, KMÝ-de stý­denttik dekanat, «Jastar» peda­gogıkalyq otrıa­dy, stýdentter keńesi de óne­­geli qyrlarymen tanylýda. «Ser­pin-2050» áleý­mettik jobasy bo­ıyn­­sha oqýǵa túsken stýdentter atal­ǵan uıym­dar­dyń negizgi qura­my­nyń múshe­leri. Iаǵnı, shyǵar­ma­shy­lyq úıirmelerine 115, sport ja­ǵy­na 144 stýdent qatysady eken. Munda jas aqyndar men til­shi­ler klýby qurylǵanyn da bile­­miz. Bulardyń qataryndaǵy balaýsa jyr músháıralaryna qaty­syp, qalalyq, oblystyq, res­pýb­lıkalyq baıqaýlardyń jeńim­paz­dary atandy. Ásirese, talan­ty­men tánti etip júrgen Kúlásh Nysanbek L.N.Gýmılev atyn­daǵy EUÝ uıymdastyrýymen ótken Muqaǵalı Maqataevqa ar­nal­ǵan «Jazba aqyndar músháı­rasynda» bas júldeni, Túrki­stan qalasyndaǵy Ǵanı Murat­baevtyń 100 jyldyǵyna arnalǵan «Jalyndap ótken jas ǵumyr» atty respýblıkalyq jyr músháı­ra­synda III oryndy, Aqmola ob­lystyq «Stýdenttik kóktem» fes­tıvali men «Máńgilik El – már­tebeli til» atty aqyndar músháı­ra­synda III oryndy ıemdenýin úlken jetistik dep baǵalaımyz. Sondaı-aq, Kerimbek Beksul­tan­­nyń Kókshetaý qalalyq «Kó­ńil­diler men tapqyr­lar» baı­qaýyn­da I oryndy jeńip alǵa­nyn, Nazer­ke Jaqsy­lyqova­nyń qalalyq «Naýryz arýy» baıqaýynda III oryn­dy ıemde­nip, «Kúz arýy» baı­qaýynda top jarǵanyn bólek­tep aıtýǵa bolady. Al, «Kúz arýy-2015» baı­qaýyna qatysqan fılologııa fakýltetiniń 1 kýrs stýdent­teri Qaraman Ardaq II oryn, Qal­qaman Aınur III oryndardy enshiledi. Osy oraıda, Jolaman Ulyqbek «Qazaq kúresinen» respýblıkalyq, qalalyq kóptegen týrnırlerdiń jeńimpazy atanyp júrgen Jolaman Ulyqbektiń atyna jyly lebizder bildirgimiz keledi. Búgingi kúni «Serpin-2050» áleý­mettik jobasy boıynsha oqýǵa túsken stýdentter ýnıver­sıtet­tegi jáne qalalyq, oblystyq, res­pýblıkalyq deńgeıde ótkiziletin barlyq is-sharalarǵa belsendi túrde qatysýda. Solardyń bir­azyn sanamalap ótsek deımiz. Serpindikter­diń uıym­das­tyrýy­­men №1 jáne «Ara­s­an» ja­taq­­­hanasynda «Biz jalyn­dy jas­­tar­myz» atty mádenı kesh ót­kizdi. Qalalyq «Densaýlyq fe­s­tı­­valine» bes fakýltetten 1000-ǵa jýyq stýdent qatysty. Sonyń teń jartysynan kóbi – ser­pindikter. О́zderi sheptik qam­qor­lyqqa alǵan Buqpa taýynyń bók­terin kókoraıǵa bóleýdegi bel­sen­diligi úshin qala ákiminiń Al­ǵys hatymen marapattalǵandar da solar. «Jastardyń jeti qazy­nasy» forýmynda, «Shoqan jul­dyz­dary» festıvalinde jarqy­raı kóringenderdiń ishinde de ser­pindikter bar. Ártúrli ıntellektýaldyq, sport­tyq jarystarda Kókshedegi jetekshi bilim ordasynyń bedelin kóterip júrgenderdiń arasynan serpindikterdi kóbirek kóre bas­taýymyz da ǵanıbet. Máselen, 2015 jyldyń 29 qyrkúıeginde As­tana qalasynda ótken Serpin sar­darlarynyń sletine Kerimbek Beksultan qatysyp, Aqmola obly­synyń Serpin sardary atanyp qaıtty. Bıylǵy jylǵy 1 kýrs stý­dentteri arasynan «Jalyn» qo­ǵam­­­­dyq uıymy qurylyp, qaıy­­rym­dylyq sharalar uıym­das­tyrylýda. Naqtylaı ketsek, qala­daǵy soǵys jáne tyl arda­ger­leriniń úılerine baryp úlken qaıyrymdylyq kómekter jasaldy. Sonymen birge, múmkindigi shek­teýli balalar úı­lerinde de kon­sertter qoıyl­dy. Stýdentter ara­syndaǵy aı­maq­tyq «Alaman» báı­gesin uıym­das­tyrýshylar qata­rynda da ser­pindilikter aı­ryq­sha belsendilik tanytqany aıtylýda. О́tken jyldyń sońynda «О́r­leý» biliktilikti arttyrý Ult­t­yq ortalyǵy» aksıonerlik qo­ǵa­my dırektorlar keńesiniń mú­sheleri, «Máńgilik El jastary – ındýstrııaǵa» respýblıkalyq jobasy úılestirý keńesiniń tóraǵasy Murat Ábenov arnaıy kelip, ser­pin­diktermen kezdesý ótkizýi áleýmettik jobanyń áleýetti eken­digin aıǵaqtaıdy. Elbasy N.Á.Nazarbaev Qazaq­stan Táýelsizdiginiń tuǵyrly bolyp, Qazaq eliniń órkendeýi jas­tar­dyń qolynda ekendigin alǵa tart­qanda, ataly sózin serpin­dik­­terge de qaratyp aıtqany bel­­gili. Qoǵamymyzda ǵylymı jas­­­tar elıtasy shoǵyrlansa, eli­­miz damyǵan 30 memlekettiń qa­tary­na qosylatyndyǵy aıqyn. Hal­­qy­myzdyń ulyq muratyna Sh.Ýálı­­hanov atyndaǵy Kókshetaý mem­le­ket­tik ýnıversıtetinde bilim alyp jatqan stýdentter de ózindik úles qosatynyna sengimiz keledi. Baqbergen AMALBEK, «Egemen Qazaqstan» Aqmola oblysy