Syndarly saıasattyń jemisi

Qazaqstannyń óz egemen­digin alyp, táýelsiz el bol­ǵanyna bıyl shırek ǵasyr tolady. Osy 25 jyl ishinde Elba­sy atamekenimizdi alty qur­lyqqa tanytyp, ekono­mı­ka­myzdy damytty. Shynyn aıtýymyz kerek, Qazaqstan álemge eń aldymen birligi bekigen, yntymaǵy jarasqan, halqy beıbitshilikti qalaıtyn, Prezıdenttiń sarabdal saıasaty­nyń arqa­synda órkendep kele jatqan jas mem­leket retinde tanyldy. Bul sózimniń taǵy bir dáleli bolsyn, kúni keshe ǵana elimiz­diń BUU Qaýipsizdik Keńesiniń turaqty emes músheligine saılanyp, abyroıymyzdy jáne bir márte asyra tústi. Álbette, munyń ózi – Prezıdentimiz Nursultan Nazarbaevtyń Táýel­sizdik jyldaryndaǵy Qazaqstandy órke­ndetý jolynda tókken teri men syn­darly saıasatynyń jemisi. Elimiz atalǵan keńeske múshelikke ótý úshin qajetti 129 daýystan da asyp-tú­sip, 138 daýys aldy. Sóıtip, Qazaqstan óńirden ózimen báse­kege túsken Taılandtan oq boıy ozyp ketip otyr. Oǵan daýys bergen múshe el­­der sany 50-diń tóńireginde ǵana. Mine, osy­­ǵan qarap-aq elimiz syrtqy saıasatynyń qan­­sha­­lyq­ty qýatqa ıe ekenin kórýge bolady. Qazaqstan halqy qazir shyn nıetpen qýa­nyp jatyr. Álemde eń bedeldi uıym sa­nalatyn BUU birinshi kezekte beıbitshilikti jaqtaıdy. Árbir eldegi saıası turaqtylyqty, dostastyq­ty, tatýlyqty baǵa­laıdy. Osy rette Qazaqstan – Jer sharynda ıadrolyq qarýdan bas tartqan birinshi memleket. Bıylǵy jyldyń basynda Elbasy AQSh-ta ót­ken álem lıderleriniń keńe­sinde barsha halyqty beıbit ómir súrýge shaqyryp, tatý­lyq­ty tý etý kerektigin aıt­qan bolatyn. Prezıdenttiń manı­fesinde qamtylǵan utymdy oı men keleli pikir kóptiń kóńilinen shyqty. Sol sııaqty, Memleket basshysynyń kóregen kósh­basshylyǵy men salıqaly saıasaty Qazaqstannyń BUU Qaýipsizdik Keńesiniń turaqty emes múshesi bolyp saılanýyna zor yqpal etti. Búginde T.Júrgenov atyndaǵy О́ner akademııasynyń ujymy Elbasynyń árbir Joldaýy men mańyzdy reformasyn qoldap, jastarǵa keńinen nasıhattaý jolynda jumys júrgizip keledi. О́z kezeginde biz de keshegi tarıhı oqıǵany shákirtterge jan-jaqty áńgimelep, mańyzdylyǵy jaıynda aıtatyn bolamyz. «Qazaqstannyń bolashaǵy jastardyń qolynda. О́skeleń urpaq tereń bilim alyp, sanaly tárbıemen sýsyndaýy kerek. Ol úshin memleket jastarǵa barlyq jaǵdaıdy jasap keledi», – degen Elbasynyń sózi únemi jadymyzda. Sózimniń sońynda Elbasynyń «qaıt­sem Otanymdy órkendetip, qalaı damyta­myn» degen sózin júrekpen túsi­neıik. Birligimizdi baǵalap, tatýly­ǵymyz­dy joǵaltpaıyq. Táýelsizdiktiń 25 jyl­dyǵymen tuspa-tus kelgen BUU Qaýip­sizdik Keńesiniń turaqty emes múshe­si bolyp saılaný erteńgi uly tarıh, kele­shek urpaqtyń jolyna jasalǵan sony qadam ekenin umytpaıyq degim keledi. Bıbigúl NÚSIPJANOVA, T.Júrgenov atyndaǵy Qazaq ulttyq óner akademııasynyń rektory ALMATY