21 stýdent

Prezıdent stıpendııasyn ıelendi Bilim jáne ǵylym mınıstrliginen Kók­shetaýǵa qýanyshty habar jetti. Onda Sh.Ýá­lıhanov atyndaǵy memlekettik ýnıver­sıtettiń 10 jáne A.Myrzahmetov atyndaǵy ýnıver­sıtettiń 11 stýdentine Qazaqstan Respýb­lıkasy Prezıdentiniń arnaıy shákirtaqylary taǵaıyndalǵany aıtylǵan. Bıylǵy akademııalyq maýsym aıaqtal­ǵany­men biz jekelegen qýanysh ıelerin qut­tyq­tap, pikirlerin jazyp alýǵa múmkindik aldyq. Dıana Jakýlına, A.Myrzahmetov atyndaǵy Kókshetaý ýnıversıtetiniń sońǵy kýrs stýdenti: – Dekanymyz qońyraý soǵyp, jaqsy habardy jetkizgende, ásirese, ata-anamnyń qýanyshynda shek bolǵan joq. Buǵan deıin rektordyń stıpendııasyn alyp júrdim. Al Elbasynyń arnaıy shákirtaqysyn ıelený shyn mánindegi baqyt ekenin sezindim. Eńbek eshqashan eleýsiz qalmaıtynyn uǵyndym. Rahmet! Men «Memlekettik jáne jergilikti basqarý» mamandyǵyn sanaly túrde tańdadym. О́ıtkeni, jańa memleket quryp otyrǵan táýelsiz Qazaqstannyń jarqyn bolashaǵyna qyzmet etkim keledi. Osy bastan oı-armandarymdy josparlap ta qoıdym. Nıetke jetý úshin kúresemin. Buǵan ustazdardan alǵan bilim, elimizdiń Parlament Senatynda eki ret is tájirıbeden ótýim kómektesedi dep oılaımyn. Mahabbat Rahmetova, Sh.Ýálıhanov atyn­daǵy memlekettik ýnıversıtettiń stý­den­ti: – Bıyl ýnıversıtettiń «Sýret óneri já­ne syzý» fakýltetiniń úshinshi kýrsyn bitirdim. О́mir men qoǵam qubylysyn qyl­qalammen órnekteýge bolatynyn kór­kemsýret mektebinde oqyp júrgende túsindim. Ony úzdik bitirgenmin. Joǵary oqý ornynda da tek qana «beske» tyrysýdamyn. Kez kelgen saladaǵy jaqsy bilim bolashaqtyń esigin erkin ashýǵa múmkindik beretinin túsindim. Buǵan Qazaqstan Respýblıkasy Prezıdentiniń stıpendııasyna laıyqty bolýym kýá. Buǵan qosarym, Elbasy marapaty tek jaqsy oqý úshin ǵana emes, Qazaqstan qoǵamynyń bıik murattarymen múddeles azamattarǵa beriledi. Dál sondaılardyń qataryna Dıana jáne Mahabbatpen birge 21 stýdentti de qosar edik. Bir ǵana mysal aıtaıyn, Mahabbattyń karıkatýralyq sýretterinde kóp oı bar. Ol oblystyq «Áleýmettik plakat» baıqaýynda dinı terrorızm men estremızm taqyrybyndaǵy eńbekterimen úzdik shyqsa, sybaılas jem­qorlyqty áshkereleıtin sýretteri arqyly respýblıkalyq baıqaýdyń jeńimpazy atandy. Baqbergen AMALBEK, «Egemen Qazaqstan» Aqmola oblysy