Reseıde ǵaryshtan soqqy beretin ushaq shyǵarylady

Reseıde jaqyn ǵarysh kóginen soqqy jasaýǵa qabileti bar óte jyldam dybysty bombardırovshık jobasy daıyndalyp jatyr. RIA «Novostı» agentginiń tilshisine Reseı qorǵanys mınıstrligi áskerı akademııasy fılıalynyń oqytýshysy, podpolkovnık Alekseı Solodovnıkov osy jóninde áńgimelep berdi. Ol qazir perspektıvaly ushaqtyń dvıgatelin jasaý jumystaryna basshylyq jasap júr. «Jańalyqtyń máni mynada: ol ádettegideı aerodromnan basqarylyp, áýe keńistigin baqylaýǵa alatyn bolady. Buıryq boıynsha ǵarysh kógine kóterilip, soqqy jasaýdy júzege asyrady, sonyń ishinde ıadrolyq qarý da bolady. Sosyn óz aerodromyna kelip qonady. Bul – strategııalyq baǵyttaǵy ushaq», - dedi Solodovnıkov. Budan ári ol ushaqtyń múmkindikteri óte keń ekenin, bir-ek saǵatta planetanyń kez-kelgen núktesine soqqy bere alatynyn aıtty. Podpolkovnık ushaqtyń dvıgatelin jasaýdyń 2018 jly bastalyp, 2020 jyly alǵashqy jumys prototıpi paıda bolatynyn málimdedi. «Dvıgatel eki kontýrly bolyp shyǵady. Bylaısha aıtqanda, ol atmosfera qabatynda da, sonymen birge, aýasyz keńistikte kosmostyq ushý rejimine jumys isteı alady. Osynyń bári bir qondyrǵyǵa qondyrylady. Dál qazirgi tańda Reseıde mundaı dvıgatel joq. Bir qondyrǵydaǵy eki dvıgateldiń biri ushaqqa, ekinshisi raketaǵa arnalady», - dep túsindirdi maman. Murat AITQOJA