Parıjde áıgili kompanııanyń 130 jyldyǵy atap ótildi

[caption id="attachment_51237" align="aligncenter" width="700"] Foto: reuters.com[/caption] Nemistiń áıgili Mercedes-Benz  kompanııasynyń qurylǵanyna 130 jyl toldy. Osyǵan baılanysty Fransııanyń astanasy – Parıjde avtokonsern basshylyǵy bir kúndik kórme ótkizdi. reuters.com aqparyna sáıkes, is-shara barysynda jańa kólikterdiń úlgileri, eń alǵashqy shyqqan avtomobılder, lımýzınder, sportqa arnalǵan túrli mashınalar kelýshilerdiń nazaryna usynyldy. Kórmege qatysqandar aldaǵy ýaqytta shyǵýy múmkin kólikterdiń qurylymymen de tanys boldy. 1886 jyly Germanııada Mersedes-Bens brendiniń negizi qalanǵan. Karl Bens pen Gotlıb Daımler alǵash ret «motorly kúımeni» jasap shyǵarǵan. Alaıda, onyń alǵashqy dızaıny sol ýaqyttan 13 jyl buryn shyǵarylǵan degen málimetter de bar. news-avtoblog.ru saıtynyń habarlaýynsha, 1890 jyly Gotlıb Daımler DMG (Daimler Motoren Gesellschaft) kompanııasyn qurǵan eken. Ol úsh baǵyt boıynsha, ıaǵnı aspanda, jerde jáne teńizde paıdalanýy tıis qýatty qozǵaltqyshtardy daıyndaǵan. Qazirgi kompanııanyń úsh tarapqa qaraǵan emblemasy osynyń arqasynda jasalǵan eken. Aıan ÁBDÝÁLI