Ýkraına premer-mınıstri elde ajyrasýǵa tyıym salmaqshy

Ýkraına premer-mınıstri Vladımır Groısman elde erli-zaıyptylardyń qandaı bir sebeptermen de ajyrasýshylyǵyna tyıym salatyn áreketter jasaýǵa nıetti ekenin málimdedi. 14 shilde kúni «Vzglıad» iskerler gazetiniń habarlaýynsha, úkimet basshysy muny amalsyzdan baratyn shara retinde qarastyrǵaly otyr. «Men, jalpy, ádilet mınıstriniń ajyrasýǵa tyıym salý jónindegi bastamasyn qoldaımyn. Jurttyń bári muny qaljyń dep oılap qalýy múmkin. Biraq bul – meniń shyndyǵym. Sebebi, otbasy degen – eń joǵary qundylyq. Mańyzdysy, úıli-jaıly adamdar bir-birlerimen baqytty ómir súrýleri kerek», - dedi Groısman Ýkraına mınıstrler kabınetiniń otyrysynda. Premer bul málimdemesin Ýkraına ádilet mınıstri Pavel Petrenko táýligine nekege tirkeletinder jónindegi pılottyq jobanyń iske qosylǵanyn baıandaǵanynan keıin jasady. Mınıstrdiń aıtýynsha, jobanyń alǵashqy qyzmetin Kıev, Odessa jáne Lvov qalalarynyń turǵyndary paıdalana alady. Joba kóp uzamaı Hersonda, Marıýpolde jáne Severodoneskide júzege asyrylady. Qazirgi tańda Ýkraınada nekege tirkelý úshin 30 kún buryn ótinish berilýi kerek. Murat AITQOJA