Aızere – Assambleıa perzenti

Beısenǵalı men Jaınagúl osydan toǵyz jyl buryn otbasyn qurǵan edi. Alaıda ekeýiniń arasynda osy kezge deıin bir perzent bolmaı keldi. Áıtse de bir-birin shyn súıip qosylǵan eki jas bul jaǵdaıǵa ishki túsinistik turǵysynan qaraı bildi. Jubaılardyń urpaq súıý úshin tekserilip, qaralý jóninde ortaq uıǵarymǵa kelýi osy ózara túsinistiktiń arqasy deýge bolady. О́kinishke qaraı, olardyń dárigerlerden estigen úkimi óte qatań boldy. Jasyratyn nesi bar – uryqsyzdyq degen sheshimdi estý alǵashqyda ekeýine de ońaı tımedi. Úmitsiz shaıtan degendeı, biraz jerge baryp qaraldy. Degenmen, olardyń sábıli bolý jónindegi saparlary men qadamdary eshqandaı nátıje bergen joq. Jubaılar úshin osyndaı kúrdeli kezeńge birneshe ul-qyz tárbıelep ósirgen Jaınagúldiń anasy Záıda apaı úlken meıi­rimge toly asyl júregin alǵa tosyp, olardy barynsha qoldaı bildi.Úmitterińdi úzbeńder, qaraq­tarym, buıyrsa sender áli perzentti bolasyńdar degen analyq aq tilegin aıtyp júr­di. Ol kisiniń aıtqany aı­ny­maı keldi de. Beınelep at­qan­da, bul, birinshiden, ana tile­giniń qabyl bolǵany desek, ekin­shiden, Batys Qazaqstan ob­lys­tyq Qazaqstan halqy Assam­bleıasy men Ońtústik Koreıa­daǵy «Cheıl» atty Seýldegi klı­nıka arasynda jasalǵan yn­tymaqtastyq jónindegi kelisimniń nátıjesi edi. О́ıtkeni, erli-zaıypty J.Otar­ǵalıeva men B.Qarabaev­tarǵa osy kelisimge sáıkes atal­ǵan klınıkada tekserilip qa­ra­lý men emdelý úshin kvota bó­lingen bolatyn. Osy oraıda «Cheıl» klınıkasy Koreıa Res­pýblıkasyndaǵy áıelder den­saý­lyǵyn qorǵaıtyn kóp qyrly mamandandyrylǵan iri me­dı­sınalyq ortalyq ekenin aıta ketken jón. Joǵaryda atal­ǵan joba óz bastaýyn ót­ken 2015 jyldan alatynyn eskersek, búgingi kúni onyń naq­ty nátıjesiniń bolýy atap aı­tý­ǵa turarlyq másele. Iаǵnı, «Cheıl» klınıkasynda emdelgen qazaqstandyq jubaılardyń perzentti bolýy – jobanyń al­ǵash­qy qadamynyń ózi nátı­jeli bolǵanyn kórsetedi. Sóıtip, toǵyz aı, toǵyz kún degende Jaınagúl ómirge perishte-perzentti alyp keldi. Árıne, toǵyz jyldan keıin áke atanǵan otbasy ıesi Beısenǵalı Qarabaevtyń qýanyshynda da shek joq ekeni aıtpasa da belgili emes pe?! Ol bizge óziniń ishki syry men tolǵanysyn bylaısha jetkizdi. – Jaınagúl ekeýmiz aq túıeniń qarny jarylǵandaı bul qýanyshty kúndi tabany kúrekteı toǵyz jyl boıy kútken edik. Oıymyz oryn­daldy. Osy arada Batys Qazaqstan oblystyq Qazaqstan halqy Assam­bleıasy koreı etnomádenı bir­les­tiginiń tóraǵasy Maksım Pakke aıtar alǵysymyz mol. Oǵan sheksiz rıazamyz. Ol bizdiń jaǵ­daıy­myzdy óte jaqsy túsindi. Ári kelisimshartqa sáıkes, Koreıaǵa baryp emdelýge keńes berdi. «Cheıl» klınıkasy qyzmetkerleri bizdi jyly shyraımen óte jaqsy qar­sy aldy. Men onda bir apta bol­dym. Al Jaınagúl bir aı em­del­di. Sodan soń kóp keshikpeı qur­saq kóterdi. Kúni keshe ol Oral qalasyndaǵy perzenthanada aman-esen bosandy. О́mirge qyz bala keldi. О́kil ákesi Maksım Pak­tyń usynysy boıynsha biz oǵan Aızere degen esimdi qoıdyq. Shyr etip dúnıege kelgende onyń sal­maǵy 4330 kılogramm, boıy 56 santı­metr boldy. Osy arada Beısenǵalı Qarabaev pen Jaınagúl Otarǵalıeva atalǵan kelisimge sáıkes Koreıada emdelgen jalǵyz otbasy emes ekenin de aı­ta ketken jón. «Cheıldegi» em-shara­dan keıin Bórli aýdanynan barǵan ekinshi bir otbasylyq jup ta búgingi kúni bóbek kútip otyrǵany qan­daı ǵanıbet. Al perzentke zar bol­ǵan úshinshi jup barlyq qa­jet­ti emderdi alý úshin aldaǵy qazan aıynda Seýlge attanǵaly otyr eken. Oıymyzdy túıindeı aıtqanda, Aızere – Assambleıanyń tól per­zenti deýge bolady. Sondaı-aq, Batys Qazaqstan oblystyq Qazaq­stan halqy Assambleıasy men Ko­reıa­nyń «Cheıl» atty Seýldegi klınıkasy arasynda qol qoıylǵan yntymaqtastyq jónindegi kelisim qaǵaz júzinde qalmaı, naǵyz jandy iske aınalǵany da úlken mereı. Memleket basshysy, Assambleıa Tóraǵasy Nursultan Nazarbaev bul qoǵamdyq ınstıtýttyń ekono­mı­kalyq jáne saıası turǵydaǵy jaýap­kershiligine qosa, áleýmettik baǵyttaǵy atqarýshy rólin odan ári kóterý qajettigi jóninde udaıy aıtyp keledi. Assambleıa qyzmeti birinshi kezekte qoǵamdaǵy bir­lik pen turaqtylyqty nyǵaıtýǵa baǵyttalǵan. Áıtse de onyń san qyrly isteri, joǵaryda atalǵandaı, ataýly áleýmettik kómekterden de kórinis taýyp jatsa, onyń eshqan­daı artyqshylyǵy joq. Aıtalyq, sábı súıýdi kókse­gen ózge elder otbasylary úshin Koreıa­da emdelý quny 15 myń AQSh dol­laryn qurasa, jasalǵan keli­simniń nátıjesinde bul kúr­deli prosedýra qazaqstandyq ot­ba­sylar úshin 6 myń dollarǵa de­ıin tómendepti. Árıne, onyń bas­ty negizi Qazaqstan men Koreıa Respýblıkasy arasyndaǵy ózara yntymaqtastyq kelisim ekeni belgili. Ekinshiden, bul aradaǵy basty másele tek aqsha desek, ush­qary­lyqqa urynar edik. Kerisin­she, bul arada basty gáp aqsha emes, búgingi kúni ózimiz kýá bo­lyp otyr­ǵan tamasha nátıje desek, shyn­dyqqa birshama jaqyndaı túsermiz. Qysqasy, bul tek bir ǵana koreı or­talyǵynyń emes, sonymen birge, respýblıkadaǵy barlyq et­no­­mádenı birlestikterdiń jemi­s­ti qyzmetiniń kórinisi, Qazaq­stan halqy Assambleıasy qura­myn­­daǵy barlyq oblystyq Assam­­bleıa­lardyń sergek kózqarastary men naqty is-qımyldarynyń nátıjesi deı alamyz. Olardyń qarapaıym jandarǵa áleýmettik qoldaý jónindegi osyndaı izgilikti isteri odan ári jalǵasa berse ıgi. «Tal ósse – jerdiń kórki, qyz ósse – eldiń kórki» demeı me hal­qy­­myz. Gúldeı jaınap óse ber, As­sam­bleıa perzenti Aızere!  Temir QUSAIYN, «Egemen Qazaqstan» ORAL Sýrette: Aızereni perzenthanadan shyǵaryp alý sáti