Yntymaqtastyq jónindegi memorandýmǵa qol qoıyldy

2016 jylǵy 16 tamyzda Astanada Investısııalar jáne damý mınıstri Jeńis Qasymbektiń Memlekettik qyzmet salasyndaǵy aımaqtyq habtyń Astanadaǵy Basqarýshy komıtetiniń tóraǵasy Álıhan Baımenovpen resmı kezdesýi bolyp ótti. Kezdesý barysynda mınıstrlik pen Aımaqtyq habtyń arasynda О́zara túsinistik týraly memo­ran­dýmǵa qol qoıyldy. Qujat aıasynda taraptardyń jobalyq mened­jment, memlekettik qyzmet kórse­týdiń sapasyn arttyrý, adam resýrs­taryn basqarý jáne basqa da ózekti baǵyttardaǵy bilim berý já­ne ǵylymı-zertteýshilik sıpat­taǵy sharalarǵa qatysýy kózdel­gen. Ekijaqty áriptestiktiń mańyz­dylyǵyna toqtala kele, Á.Baı­menov osy memorandýmnyń trans­formasııa jáne kadrlyq áleýet­ti arttyrý jónindegi mı­nıstr­liktiń jumysyna óz septigin tı­gizetinine senim bildirdi. О́z sózinde J.Qasymbek Mem­leket basshysy Nursultan Nazarbaevtyń adamı kapıtaldy jetil­dirýge qatysty máselelerge basa nazar aýdaratynyn alǵa tart­ty. Mınıstr, sondaı-aq, qyz­met­kerlerdiń kásibı deńgeıin arttyrý maqsatyndaǵy ekijaqty yn­tymaqtastyqtyń ózektiligine de toqtaldy. Aıta keterligi, Astanada Mem­lekettik qyzmet salasyndaǵy aı­maqtyq hab Qazaqstan Úkimeti men BUU Damý baǵdarlamasynyń bastamasymen 25 memleket pen 5 halyqaralyq uıymnyń qaty­sýymen 2013 jyly ótken quryl­taı konferensııasy barysynda qurylǵan bolatyn. Hab mıssııasy óńirdegi memlekettik qyzmettiń tıimdi júıelerin damytýǵa sep­tigin tıgizý bolyp tabylady. Qazir­gi tańda habqa 34 memleket jáne 5 halyqaralyq uıym múshe­lik etedi. «Egemen-aqparat»